وين شعار المحاورة حلالين الالغاز

ياويش بنتٍ زينها في نهدها = اليا نظرت النهد الاول والاخير
عيونها اربع سالمه من رمدها = واليا طمست العين يبقابها ( سير )



واللي يبا يجاريني حياه الله واللي يبا يحله بدون مجاراه حياه الله بعد

بناخي صياف حياك الله
ولو حطيت موضوعك هذا في منتدى الالغاز افضل

لكن خذ الرمعه هذي والتوفيق عند الله



عسا السحابه تستهل ابردها=في نجد ديرة مكرمين الخطاطير
دارٍ (سهل) لا زاد فيها رغدها=نرعابها صفر وجهام ومغاتير

البنت من مده حماها سندها=واصبح يلد ابها هل الشر والخير

وفي كل عام البنت تبذل جهدها=تظهر بحلٍ زين ويصير تصوير

في نهدها اليسر وا الاول ولدها ==== الي تعلق بالجناحين ويطير

زينه وشينه وشينها أمر وأدها ==== جتنا بعد أقفى زمانن به بعير

خالد او صاهب

صح لسانك ومالك لوا



معجب العتيبي

صح لسانك والظاهر انك صبت الهدف مير سم البنت سمها



محمد السبيعي

صح لسانك ومالك لوا

البنت معموره بسادة بلدها=حامينها بانينها دون تقصير

قال المثل من رام حاجه وجدها=والظاهر ان الحل يابناخي (عسير)

ههههههههههههههههههههههه


بيض الله وجهك

عزالله انك وافي ولايهونون الربع



تحياتي لك وللجميع كلن باسمه

وحلك صحيح يامعجب

أخوووووووي معجب والله أنك خطير كيف طرت عليك ،،،،،، يابعد حلنا عن حلك .... ههههههههه



على العموم ماهي غريبة عليك يالسنافي ولايهونون الرجال ،،،،،،


تقبل تحياتي ،،،،

بارك الله بك , شكراً أخي الكريم

البنت نعرفها ونعرف سندها=سميتها ام الخير ياراعي الخير

بطاقة الصراف اللي وجدها=عيونه الارقام والصاير يصير

صح لسانك اخوي سعد


ومالك لوا واللغز حله معجب

والحل مدينة ( عسير )