اجمل الابل والنخبه منهم
العــــــــابر10-Dec-2008, 01:14 AM
السلام عليكم ورحمة الله وبركاته
حيت انزل بعض الصور لاجمل ابل الجزيره العربيه وهي كالتالي
[صورة غير متوفرة]
وهذه اجمل ناقه وهي للمالك محمد بن قشعان العتيبي
والجميع يعر ف ابن قشعان ينافس على النخبه وبالتوفيق لكل رجال عتيبه
[صورة غير متوفرة]
وهي اجمل ناقه للدرع عتيبه فنجال بن سلطان العتيبي
والنخبه باذن الله لبو سلطان مافيها كلام
مع تمنياتي للجميع بالوفيق
ياليت اللي عنده صور لايبخل علينا
العــــــــابر10-Dec-2008, 01:35 AM
هب البراد وشعة الشمـس فالكـون=والصبح قام يغـازل الارض نـوره
وتم الضباب وشتته غـاز الأوزون=وتكونت في عين الإنسـان صـوره
من عقب نواً قـدم البـرق عربـون=لين أصبحت كل الفياض مخطـوره
رغو المطر كنـه فقاقيـع صابـون=وضرب البرد سبب للاشجار عوره
أرضاً وطوها الناس صاحي ومجنون=في خبـةً بيـن العـروق محفـوره
شفنا الطروش وعرضها فالتلفـزون=وشفنا الأمير اللـي طـوالً شبـوره
يدعي هل الذيدان لأكبـر مراثـون=ويمشي برجله فالوعـر والخطـوره
وبالله يا أهل الشعل وأبليس ملعـون=لأحداً يطـق بتالـي الوقـت زوره
الشعل مركزها من العـام مضمـون=لو ثار بركان أحمـر العيـن ثـوره
الشعل مع شيخـاً مكافـح ودنـدون=حاز المراجل من نعومـة ظفـوره
محمد القشعـان بالطيـب مقـرون=رجال اخذ في ساحة الطيـب دوره
من لابةً تروي شبـا كـل مسنـون=لاقفا خطام شعيل ثم طـاح كـوره
مخيمـه كنـه هوتيـل الشيراتـون=تغلـي مباهيـره وتطبـخ قــدوره
حول بشعـلً مايشابـه لهـا لـون=تقول من زيوت الطعـام معصـوره
وبالله ياأهل الشعل وبليـس ملعـون=لأحداً يطـق بتالـي الوقـت زوره
الشعل مركزها من العـام مضمـون=والضامـن الله والفعـول مخبـوره
للشاعر / سعود بن سالم الحافي
وهذه قصيده في ابل محمد بن قشعان العتيبي
العــــــــابر10-Dec-2008, 01:55 AM
ياطويق لأشفتك تذكرت فنجال=جنبه كماء جنبك وجنبه متيني
اثنينكم من بين خلق الله جبال=ماغيرتكم ممحلات السنيني
طويق ثابت فاالبسيطه ولازال=وفنجال مثله من يسار ويميني
صحيح من قال المواقيف رجال=ابه رجال " فاالمواقف تبيني
مثلك ياابوسلطان تضرب باالامثال=باالطيب والحكمه وعقل" رزيني
دمث الجناب وصيرماني وحلال= حلال عقدة من زمانه يشيني
ولنت بخفيف انته من رجال" ثقال=معدنك من فولاذ تحلف يميني
يوم الليالي هوش وفزوع وقتال=ترخص وانا سلطان للأحمريني
الاد مشيب للشكيلات مدهال=أمرويت حد الرهيف الشطيني
تعيش يافنجال ياشبل الأشبال=انا اشهدنك دوم حصن" حصيني
ياجعل عمرك طال ليال وليال=اطلب ولي العرش ورفع يديني
تفخربك الهيلاء على كل الأحول =عز لها في وقت شينن وزيني
حي الحجاج اللي على المرجله نال=قاسي بوقت القاسيه ما تليني
باالمرجله والعز والعرف تختال=مابه شكوك ومثبته بااليقيني
حم الشعاف ابساقتك دوم تجتال=يازين مضواها لأهاك القطيني
مثل البواخر لا قبلت تشرح البال=تملاء العيون اليرزمن باالحنيني
سنامن متنكس على مثل ما قال=وحشكن وبرها تبهر الناظريني
رثم الخشوم وزين ورقاب(ن)"طوال=الأوله فاالزين يا العارفيني
محدن مشاء معها من الناس رجال=لمنافسه يقول وينك وويني
مدام فوق خدودها شالت هلال=منته بحولي لانجيك وتجيني
وياطويق لاتزعل لياقلت فنجال=مثلك وحصنن فاالمواقف حصينيقصيده في درع اعتيبه فنجال سلطان العتيبي
للشاعر سلطان بن نايف الحويقل العضياني
العــــــــابر10-Dec-2008, 02:12 AM
وهذه صورة بكره لمترك ابن حجنه العتيبي
وبصراحه البكره مسكته .ومترك ابن حنه قادم بقوه للنخبه
وباذن الله يوفقه ربي ويوفق كل رجال عتيبه
[صورة غير متوفرة]
العــــــــابر10-Dec-2008, 02:19 AM
صوره لاحدى ابل الشيخ حمود هليل العصيمي العتيبي
وقولوا ماشالله
[صورة غير متوفرة]
العــــــــابر10-Dec-2008, 02:22 AM
مره ثانيه قولوا ماشالله بس هالمره مرتين هههههههههه
غازي بن عتيق العضياني العتيبي
[صورة غير متوفرة]
محمد النفيعي51110-Dec-2008, 09:08 AM
العــــــــابر10-Dec-2008, 03:51 PM
ومن يقول ياغالي
منور هالصفحه يالنفيعي
بدر الكريزي10-Dec-2008, 04:35 PM
مشاء الله .. تبارك الله..
موفقين خار يا عتاااابة .
و بيض الله وجهك يالعابر على هالصور ..
العــــــــابر10-Dec-2008, 11:13 PM
وجهك ابيض يابدر الكريزي
مار اللي عنده صور يمدنا ياربعي ياحبتي
دمتم بود
سـامــي النفيعي11-Dec-2008, 02:07 AM
الله يوفقهم .. وفالهم النخبــــــة ...
وعز الله أن أبلهم تجمل عتيبة
اللآمع11-Dec-2008, 10:07 AM
ما شاء الله تبارك الرحمن
بالتوفيق للجميع
مشكور العابر على الطرح
العــــــــابر12-Dec-2008, 05:04 PM
سامي النفيعي عزالله ان الابل تجمل
مار التحكيم ان شالله ينصف
دمت بود
العــــــــابر14-Dec-2008, 05:53 PM
حياك الله ياللامع
وبالتوفيق للجميع
دمت بود
البريماني14-Dec-2008, 06:37 PM
ابو فايح14-Dec-2008, 06:47 PM
البل الطيبه من لها اهل غير عتيبه بيض الله وجهك يا عابر على النقل الجميل
أبو جدوع14-Dec-2008, 07:14 PM
أخوي أبو فايح لاتظلم حق القبايل
والله يوفق جميع المشاركين في أم أرقيبه
والله يعطيك عافية
جهد تشكر عليه
أخوي تقبل مروري
ابو سعد الدلبحي14-Dec-2008, 07:16 PM
الخليدي القثامي15-Dec-2008, 01:17 AM
لاهنت على النقل ياشنب
بيض الله وجهك
ومافية شكة النخبة لعتيبة
محمد الحميدي15-Dec-2008, 05:03 AM
ما شاء الله
لاهنت على الصور الطيبه
ابراهيم الزراقي15-Dec-2008, 07:49 AM
الله يعطيك العافيه ولايهينك ياولد العم
ناصر العصيمي15-Dec-2008, 12:21 PM
مشاء الله تبارك الله
وبالتوفيق لرجال عتيبه
تقبل مروري
ابو فايح15-Dec-2008, 02:43 PM
أخوي أبو فايح لاتظلم حق القبايل
والله يوفق جميع المشاركين في أم أرقيبه
والله يعطيك عافية
جهد تشكر عليه
أخوي تقبل مروري
لا ياشيخ غير الكلام هذا عندك شي
العــــــــابر17-Dec-2008, 12:25 AM
الوفاء طبعي وجيهك ابيض يالنشمي
ابو فايح مرورك اسعدني وعتيبه كفو لكل علمن غانم
ابو جدوع ماهنا ظلم مار التاريخ لايرحم والدنيا براهين
ابو سعد الدلبحي ويوفقك بعد
الخليدي القثامي بيض الله وجهك
محمد الحميدي ومن قال لاهان
دمتم بود جميعا
العــــــــابر17-Dec-2008, 12:28 AM
ابراهيم الزراقي ومن قال لاهان
ناصر العصيمي مرورك عطر
ابو فايح لايهمونك
دمتم بود جميعا
