03-Nov-2009, 11:41 AM
مطلق الثبيتي :
سلامي سلامٍ مطلعه مثل طيب العود = ليا فاح فالحلة وطيّب جوانبها
انا جيتكم ساري ولي فالعرب مقصود = ابا انظم الحفلة بكيفي وارتبها
صياف السحيمي :
هلا مرحبا ترحيبةٍ حبلها مشدود = بحفلة رياجيلٍ تفتل شواربها
علامك تبا تنهض حجاجك وانا موجود = وانا راعي الديرة وحامي جوانبها
مطلق الثبيتي :
انا من عتيبة كلنا فزعة ابن سعود = ولكن حرب نمرها مانحاربها
اظنك قليل الفهم ماتعرف البارود = ولاتعرف الا الجمرة اللي تقلبها
صياف السحيمي :
عتيبي ولاتنقز ورى حدك المحدود = انا اعرف سباع الارض واعرف مقاضبها
تجيك الثلاث البيض والا الثلاث السود = وراع الغنم ماله منيحه ويحلبها
مطلق الثبيتي :
ضمينا نبا نارد على عدك المارود = وخل الذلول شدادها فوق غاربها
تعلّم من الدنيا ترى النقص غير الزود = ترى الموج يلعب بالسفينة وراكبها
صياف السحيمي :
ليا اقفيت ياذيب الخلا ماتعرف تعود = كلتك السباع ودقرت لك مناسبها
لبست العباة الطيبة والعباد رقود = تصاحب سليم وحرب منته بصاحبها
مطلق الثبيتي :
حمولك ثقيله ياجمل والدروب سنود = وقدمك رجالٍ رايها راي شايبها
تطير الخيام من الهواء لو تهب النود = تهب الهبوب وتنتهي من يطالبها
صياف السحيمي :
من العام تقدح يالثبيتي بغير زنود = وهذه تصلحها وهذه تخربها
اظن السوالف عندكم بابها مسدود = وانا عارف الدنيا وعارف تجاربها
مطلق الثبيتي :
الك بندقٍ في حلقها ناشب العبرود = عسى السوس والجاموس ياكل خشايبها
تبا الطيبة لكن جودك من الماجود = تحفر القبور اللي ركزنا نصايبها
صياف السحيمي :
يحوّل بوسط التهلكه واحدٍ مقرود = ويلعن بليس وصنعته مايسيبها
يبا يحرق الهندي وتحرق وراه هنود = وهاذي ديانتها وهاذي مواهبها
مطلق الثبيتي :
يضيع الحريبي فالعرب ماعنه منشود = ونسلم من الحفرة وقرصة عقاربها
جميلة عتيبة مالها عندكم مردود = ولو راح مع درب الجميلة معزبها
صياف السحيمي :
هذه خطة الثعلب ليا ابعد عن العنقود = يقول العنب حامض وعينه يلد بها
جميلة عتيبة جات وحسابها معدود = ومن يحفر الحفرة لغيره يطيح بها
مطلق الثبيتي :
عليك السحاب الغر في كل يوم يقود = ليا كنت ضامي فارد للبير واشربها
اشوف اليتيمه راسها دايمٍ مكدود = وهذه سوالف عندكم ما اتغاربها
صياف السحيمي :
اشوف السحابه خيلت والرعد مفقود = ولكن هات البندقية وزهبها
سلامي سلامٍ مطلعه مثل طيب العود = ليا فاح فالحلة وطيّب جوانبها
انا جيتكم ساري ولي فالعرب مقصود = ابا انظم الحفلة بكيفي وارتبها
صياف السحيمي :
هلا مرحبا ترحيبةٍ حبلها مشدود = بحفلة رياجيلٍ تفتل شواربها
علامك تبا تنهض حجاجك وانا موجود = وانا راعي الديرة وحامي جوانبها
مطلق الثبيتي :
انا من عتيبة كلنا فزعة ابن سعود = ولكن حرب نمرها مانحاربها
اظنك قليل الفهم ماتعرف البارود = ولاتعرف الا الجمرة اللي تقلبها
صياف السحيمي :
عتيبي ولاتنقز ورى حدك المحدود = انا اعرف سباع الارض واعرف مقاضبها
تجيك الثلاث البيض والا الثلاث السود = وراع الغنم ماله منيحه ويحلبها
مطلق الثبيتي :
ضمينا نبا نارد على عدك المارود = وخل الذلول شدادها فوق غاربها
تعلّم من الدنيا ترى النقص غير الزود = ترى الموج يلعب بالسفينة وراكبها
صياف السحيمي :
ليا اقفيت ياذيب الخلا ماتعرف تعود = كلتك السباع ودقرت لك مناسبها
لبست العباة الطيبة والعباد رقود = تصاحب سليم وحرب منته بصاحبها
مطلق الثبيتي :
حمولك ثقيله ياجمل والدروب سنود = وقدمك رجالٍ رايها راي شايبها
تطير الخيام من الهواء لو تهب النود = تهب الهبوب وتنتهي من يطالبها
صياف السحيمي :
من العام تقدح يالثبيتي بغير زنود = وهذه تصلحها وهذه تخربها
اظن السوالف عندكم بابها مسدود = وانا عارف الدنيا وعارف تجاربها
مطلق الثبيتي :
الك بندقٍ في حلقها ناشب العبرود = عسى السوس والجاموس ياكل خشايبها
تبا الطيبة لكن جودك من الماجود = تحفر القبور اللي ركزنا نصايبها
صياف السحيمي :
يحوّل بوسط التهلكه واحدٍ مقرود = ويلعن بليس وصنعته مايسيبها
يبا يحرق الهندي وتحرق وراه هنود = وهاذي ديانتها وهاذي مواهبها
مطلق الثبيتي :
يضيع الحريبي فالعرب ماعنه منشود = ونسلم من الحفرة وقرصة عقاربها
جميلة عتيبة مالها عندكم مردود = ولو راح مع درب الجميلة معزبها
صياف السحيمي :
هذه خطة الثعلب ليا ابعد عن العنقود = يقول العنب حامض وعينه يلد بها
جميلة عتيبة جات وحسابها معدود = ومن يحفر الحفرة لغيره يطيح بها
مطلق الثبيتي :
عليك السحاب الغر في كل يوم يقود = ليا كنت ضامي فارد للبير واشربها
اشوف اليتيمه راسها دايمٍ مكدود = وهذه سوالف عندكم ما اتغاربها
صياف السحيمي :
اشوف السحابه خيلت والرعد مفقود = ولكن هات البندقية وزهبها
