على الله توكلنا

. .


.



ياسلطان وش عذري من الاهل والاقراب=وانا اعرف بنات الفكر من عصر مجبوره
جبرت القوافي جبرت الكسر فالمنصاب=واغوص البحر واسبح ولا اخشى من خطوره
ياسلطان والميقاف ماصك دونه باب=بعد مادعاني داعيٍ جيت لحظوره
على الله توكلنا وبه نبذل الاسباب=الهٍ بطاعته البشر دوم ماموره
يبا يفلح اللي لاسمع دعوة الله جاب=ويلقى رضا ربه ويسر له اموره
ياحضه نهار العرض يمناه فيه كتاب=بعكس المكابر مختفي طافيٍ نوره
الا يالله التوفيق تصلح لنا الالباب=نهارٍ تشوف الناس عريا ومذعوره
انا اذّكر الغافل ولالي عليه حساب=حسابه على اللي صوّره واحسن الصوره
ولاني وكيل ادم هنا والله الوهاب=وكيلٍ على عبده بسراه وجهوره
سلامي على الحضّار في حفلة العراب=رفيقٍ لك الله بالوفا طالت شبوره
ياراشد جمعت الناس من حب واستحباب=وهو بادلوك الحب من قلب وشعوره
عسى شكل راشد عندنا بالميات يجاب=وصل للمراجل والعرب منه مبهوره
نهج منهج العود وتعلم ونال عجاب=جميع البشر باللي يسويه مسروره
ياراشد ترى عمي على التربيه ماخاب=مدام الفعول بقمة المجد محفوره
ابوك احتزم بالدين ويجمع الطلاب=يحفظهم القرآن سوره ورى سوره
محد منكرٍ فعله من الاهل والاصحاب=يسجل له التاريخ ويظم بسطوره
نصحهم ورباهم على الله دون اتعاب=ولا خيبو ظنه وسارو بدستوره
فقده الحرم ويقول وش به عليه غاب= وعليه المساجد تحتري طيلة شهوره
وفقده اليتيم اللي ضحى العيد عند الباب=يدوّر على الكسوه ويكسيه ويزوره
وفقده الضعيف اللي عنا له وهو طلاّب=يجي له وهو نفسه من الدين مقهوره
وفقده الاذان اللي مخاويه يومه شاب=وفاقده حج البيت وصيام عاشوره
ياعمي عليك الدمع قد جرّح الاهداب=بكيتك قبل مافقدك والعين معذوره


تقبلو فائق التحيــــــــــه,,,,,,,

:
:
:



صح لسانك.
:
:
:
::

صح لســــــــــــــااااااااااااانك

غالب الذيابي


صح بدنك مرورك اسعدني


لاهنت

سيف نت



اسعدني مرورك



لاهنت يالغالي