ياسلام

استلم


ياسلام الله سلامٍ مثل همال السحابه=
يروي الظميان من هله ويسقي كل ظامي
كل مانديت مرزوق العتيبي قال يابه=

كلها تقدير والتقدير يكسبه احترامي

...

مرحبا باللي يسلم مرحبابه مرحبابه= واجب انّا حين ماسلم نرد له السلامي
الله انه يصلحك مرزوق حسّب له حسابه = واعرف انه لازعل ماعاد ينفعك الكلامي

صح لسانك بدايه طيب من شاعر كبير

وانا تراي في صفك

وننتظر الشاعر العملاق مرزوق العتيبي ليكتمل الابداع


اخوكم الفالح

...
هلا وغلا بالفالح...
تشرفنا بحضورك...
ومبـــــــــــــروك هالتوقيع الجميل..
ياولد ماهوب للبيع ؟ :)

الله يبارك فيك يابو رزق ولا يغلا عليك ايوالله اقوله صادق



اخوك الفالح

صح لسانكم ياشعراءنا ماشاء الله عليكم

كفو والله كفو

الله الله

أبداع وتفنن أنا فالصفين

الليل الليل

البقاء يلي ترحب عقب عصبت العصابه = من هجوس الشاعر الي ماجهل كل الاسامي
اخر الايام يامرزوق مافيها غرابه = اصبر اصبر لين اجي يمك واقلدك الوسامي

شكراً لمرورك يالفالح انت والوسم

اهلين ياماجد ومرحبابك على التواجد

وانت شاعر معتبر والسيف بيدينك نصابه = سوقها سوق النشاما مع رفيعين المقامي
ماتندم واحد ٍ فعله على العليا رقابه = يبذل المجهود ويحقق كثيرات المرامي

...
الفالح
الوسم
ماجد...
مرحبابكم
والله لايهينكم على تواصلكم ..
تحياتي

بنشدك ياشاعر الشعار واعجل بالاجابه = وش يجيب الشاطري ياصاحبي عند الزلامي
طاح سهم الراجحي لكن قلي وش تبابه = اتركه وادخل معي فالبورصه والبيع حامي

الله الله...

كلهم شعار يانايف وكلّ ٍ يندعابه = والزلامي شاعرٍ مشهور من بين الانامي
ابشر ان الراجحي مضمون ربحه باكتتابه = وانت ربح البورصه مايصفي الك بكل عامي

اعرف ان الجدي نوره ياعميلي يقتدابه= مير لاتجلب علومك من حلال ومن حرامي
اطلب الله ماطلبت المد من ناسٍ غلابه= واحدٍ يكتب لنا الارزاق من سن الفطامي

على القوّه ياشعار واصلوا وحنا متابعين.

..

الامل ماينقطع باللي ماخيّب من رجابه = ابشر اني كاسب النوماس في شرق ٍ وشامي
لكن انته شق دربك لاتضريها المهابه = وانتبه ماكل سلعه داخل السوق بتسامي

بنشدك ياشاعر الشعار واعجـل بالاجابـه
وش يجيب الشاطري ياصاحبي عند الزلامي
طاح سهم الراجحي لكن قلـي وش تبابـه
اتركه وادخل معي فالبوصله والبيع حامـي


يااسلام ياسلام



الله الله


نقض وفتل رااائع



انا في صف مرزوق <<<<<<<<<<<<<<<<<< :) خايف من المدير

مرحبا بالاداره كله شرفت يالمهند

مرحبا ياماجد شرفت ولا كلفت

نايف الحميدي مرزوق العتيبي

الله يعطيكم العافيه

بعدين ماعلمتونا

خيرها في غيرها

متابعين

اليل

مانذمك خابرٍ ماقفك ياشاعر عتابه = مير نايف قالطٍ قدمك على وسق السنامي
اعرف اني محتزم في سلم ولأ في حرابه= مانزل الرجل ممشانا على قيس النظامي

ادري انك شاعر ٍ للطيب تمشي به ركابه = واتمنى لك مزيد من التقدم للامامي
لاتحاول تدعي في شي غيرك ما ادعى به = واعرف ان الكايده ماجابها كثر الحلامي

مانذمك خابرٍ ماقفـك ياشاعـر عتابـه
مير نايف قالطٍ قدمك على وسق السنامي
اعرف اني محتزم في سلم ولأ في حرابه
مانزل الرجل ممشانا على قيس النظامي

ادري انك شاعر ٍ للطيب تمشي به ركابه
واتمنى لك مزيد مـن التقـدم للامامـي
لاتحاول تدعي في شي غيرك ما ادعى به
واعرف ان الكايده ماجابها كثر الحلامي

محاوره راقيه تستحق المتابعه شكرا لكم
على هذا المستوى نتمنى منكم المزيد والاستمراريه

تقبلوووووووووووا تحااااااااااااتي
النقشبندي

الشاعر/ نايف الحميدي
الشاعر/ مرزوق العتيبي

الله ,,,,, الله ,,,,, الله
ابـــــــــــــــــــــــــــــــدع
ليس بمستغرب نعم ليس بمستغرب
اسمحولي على الحضور المتاْخر

تحياتي

الله الله
محاوره رائعه
سلمتو ياشعراءنا

مرحبا يالنقشبندي شرفتنا

معقل المجانين الله يحيك مرحبابك

عبدالعزيز مرحبابك يالغالي شرفت

زين منطوق الرجل لاصار في هرجه لبابه= والله انه مايوقع غير في صلب العظامي
لو يشين الوقت يامرزوق مانتبع سرابه=حجتي معكم تراها بيينه يبن الكرامي

يا سلام يا سلام

مبدعين

والمعذره على التاخير يالربع

...
الشعراء الاعزاء...
ماجد الدغيلبي
اخطار برقاوي
النقشبندي
عبد العزيز
المسري..
تشرفنا بمروركم
ورؤية حروفكم سلمتم ودمتم..
كل الود

زين هرج الرجل لامنه تركد واعتنابه = مايخلي فرصة ٍ للي يحبون الملامي
والله انا ودّنا ان الطيب في كل القرابه = صحت السانك وجعلك للسعد دايم دوامي

...
الشاعر المبدع نايف الحميدي
صحت السانك سعدت باللعب معك الله لايهينك..
الف شكر لك وللذين شاركونا ...
تحياتي

صح بدنك والله لايهينك يبومحمد محاوره شيقه
واشكر جميع من شاركونا بالتعليق واقول الله لايهينهم

..
مشكور والله لايهينك ...