بس يالثعلي أنته منت ويا الحليله
عبدالله جبارالعتيبي29-Sep-2011, 01:05 AM
ياسلامي على شعار شبه الجزيره=عدماهلت مزون المطركل ليله
أنت رجال تذكر من رجال المغيره=بس يالثعلي أنته منت ويا الحليله
عبدالمجيد الثعلي29-Sep-2011, 01:14 AM
ياهلا مرحبا مير الدعاوي خطيره=مير فالدرب خلك مع يمين الدليلـه
يوم نمـلأ البنأدق من حزام الذخيـره=إسترح ومخدوم إزهل من اللي يشيله
فهيد الايدا المورقي29-Sep-2011, 01:17 AM
الله الله الله
صحت السنتكم جميع
تحيتي
عبدالله جبارالعتيبي29-Sep-2011, 01:30 AM
عايشٍ بالتخفي عايشٍ بالستيره=أنطح القوم يارجال ماهي فشيله
كان صادق فعلمك ألتحق فالمسيره=ولا أنا يالعتيبي من كبار القبيله
عبدالله جبارالعتيبي29-Sep-2011, 01:31 AM
الله الله الله
صحت السنتكم جميع
تحيتي
بناخي الأيداء
صح بدنك
وعزيزوغالي
عبدالمجيد الثعلي29-Sep-2011, 01:44 AM
من يرد ؟ الدهر يمضي بشره وخيره=والأصيله لنا ونعرف درب الأصيلـه
عهد سود الليال الذيب الأشهب خشيره=يارجال تذريها البيوت الظليله
عبدالله جبارالعتيبي29-Sep-2011, 01:56 AM
أنت في يًدك اليمنى والأسرى جبيره=منت قادر تشيل الرمح واللي صقيله
قسمنا الراس بين الناس في كل ديره=ونت يالآجودي رجال نعرف حصيله
عبدالمجيد الثعلي29-Sep-2011, 02:21 AM
رأس مال الشواوي ناقته مع بعيـره=خيمته فمسيـل مابعد سال سيلــه
لإم كلثوم فالمنديل تدمع سميـره=هب لاعادت ليال ألف ليله و ليلــه
عبدالله جبارالعتيبي29-Sep-2011, 02:26 AM
ساكنٍ فالمحاني منت واصل عشيره=مارشفلك ديارٍٍ للمحاني بديله
الذيابه ذيابه ياليدين القصيره=بس حمل الثعالي مايشيله هبيله
عبدالمجيد الثعلي29-Sep-2011, 02:43 AM
عبدالله جبار صح لسانك ولاهنت يالغالي
ماقصرت الجايات أكثر
عبدالله جبارالعتيبي29-Sep-2011, 02:48 AM
صح بدنك ياشاعر الثعاليه
وتشرفت باللعب معك
وظن الهدف ماهو خافي عليك
بيض الله وجهك بياض يشيع ويظهر مع كل ريع
عبدالمجيد الثعلي29-Sep-2011, 03:00 AM
صح بدنك ياشاعر الثعاليه
وتشرفت باللعب معك
وظن الهدف ماهو خافي عليك
بيض الله وجهك بياض يشيع ويظهر مع كل ريع
صح بدنك والله
وشكرا ً على المجامله هههههه
والشرف لي بمن هم مثلك وسواك
والهدف مايحتاج هههههههه وأنا أخوك أنت شاعر وغزيت مغزى شاعر مافيه شك
ووجهك أبيض والله يعطيك العافيه يالقرم إبن القرم
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
