" دام النساء في مجلس الشورى " !!

أرجو تمريرها = )









دام النساء في " مجلس الشورى"هـ" = و في الإنتخابـات البلـديّة !!

بكرة نبي نتابعتس يا ( نورة ) = و هاتي القرارات السياسيّة !!

أول قرار " البنت مأمورة " = تأخذ لها رخصة " قياديّة " !!



و تسوق ../ و تأخذ في البلد دوره = من حقها ../ و حاجة طبيعيّه !!

و اذا النقاب ../ يشوّه الصوره = لو شالته ../ آشياء عاديّه !!

و الزوج ( ماله حس ) في شوره = يسكت و لاله ( رأي ) موليّه !!

إن قال والأ قال .. معذوره = لو تتركه .. و تقول ( نفسيّه ) !!

و ثاني قرار .. اللعب و الكوره = البنت ../ بنيتها رياضيّه !!

و اليا بغت تصير " مشهوره " = مسموح ../ لو تصبح دوليّه !!

ما عادها ( المرأة ) بـ محكوره = حق الرجل ../ من حقها زيّه !!

صارت مع " الرجّال " في أموره = باقي لها غتره و طآقيّه !!

اما ما يتعلّق بـ ( مستورة ) = ترّشح الأسماء ( النسائيّة ) !!

و تحط في الشارع لهن صورة = و نختار في هذي ../ و هذيّه !!

أنا ../ برّشح كل ( مغرورة ) = احسن من ( البنت المزاجيّه ) !!

بالذات أم ( خدود ) بلوّره = تستاهل اصوات ( السعوديّة ) !!

هذي هي الأضاوع مخبوره = قدام لا تصبح حقيقيّه !!

صارت يمين ( الشور ) مبتوره = ما دامها صارت ( خليطيّه ) !!

ما يفلحون القوم " يا نوره " = دامك ( فرضتي الرأي ) جبريّه !!

وأمحق تطوّر .. دام مستوره = صارت لها ( رزه ) و ( شخصيّة ) !!

ههههههه

الله يكون بالعوون يا محمد:)

صح اللسانك يالغالي

وأبدعت في ما قدمته لنا

خالص الشكر

,’


صح لسان شاعرنا الرائع


محمد العريدي والله يصلح الحال يامحمد



لاهنت يالغالي


,’

...

صح لسانك يا محمد ولاهنت

والله يكون بالعون ،،،

صح الله لسانك يا أسطوره = ختمت بيتين نسجيه

الاخ محمد العريدي صح لسانك
الـــــمـــوج\ابــــوحـــــاتـــــم

صــــــــــــح لسانك

والله يكفينه شر فتن اخر الزمان


تحياتى

صح السانك............وبيض الله وجهك والله يكفينا شر الدنيا والعلمانيه..

زياد المرزمي

لا هنت على مرورك يا بعدي