محاورة مُلتهبة بين الرشيدي والعتيبي

السلام عليكم ورحمة الله وبركاته
أخترت لكم هذه المحاورة الشعرية الفريدة بين شاعرين عملاقين من رموز هذا الفن الشاعر عيد بن مربح الرشيدي , والشاعر بندر العصيمي .وعلى فكره هي من المحاورة القديمة التي تعود الى فترة شعراء الثمانينات عندما كانت ساحات المحاورة والشعر بشكل عام للأفضل فقط والأجزل ولمن تتسم أشعارهم ومعانيهم بالجزالة بعيدا ً عن السطحية كمانرى ونشاهد اليوم .

(الشاعرعيد بن مربح)
بعد جيت حفل مكرمين المواجيب
سلامي سلام(ن) كلكم تسمعونه
ولا يالعصيمي هات زين الهناديب
تدرج ومكيال الوفاء لاتخونه

(الشاعربندر العصيمي)
هلامرحبا ياذيب واللي معك ذيب
الك عود ازرق وانت تقبل دخونه
ليا صرت غازي فوق عوج العراقيب
أخذ قسمكم والزود لاتقسمونه

(الشاعرعيد بن مربح)
مايدري بني آدم وش تجيب المكاتيب
يشوف السنع ويجنبنه عيوونه
زمان المغازي راح لاتشلح الجيب
للأسلام دونه عالم يحتمونه

(الشاعر بندرالعصيمي)
وياعيد بن مربح تكفى المحاليب
تدير الحرم والله منجي ركونه
زمانك وطاك وراح ماسجل العيب
نسيت الوضيحي يوم تطبخ قرونه

(الشاعر عيد بن مربح)
وانا لو بغيت أضربك بانت مضاريب
لكن الردي يغنيني الله دونه
ماتسلم عتيبه غير وسط السراديب
حرام الخداع عن وقته نصونه

(الشاعر بندر العصيمي)
انا لوبقيد بالجمال الأصاعيب
أبترك بعير ضاري للمرونه
عتيبه تبى تشرب خيار المشاريب
يابو سمن مايع بس داخل سعونه

(الشاعر عيد بن مربح)
تقضب يدك ويطلقن المقاضيب
لو التيس يصدم ظلع طاحت قرونه
عتيبه في وقت فات ضد الأجانيب
لكن أبتلوا في مثل هذا النمونه

(الشاعر بندر العصيمي)
أقرب فقير مايشب المطاليب
سوات الغزال أن هج مايطروحونه
وليد العراقي يزرع الورد والطيب
عليه أربعه واثنين والبحر دونه

(الشاعر عيد بن مربح)
تبين الذيابه من **** المغاريب
لمن حان الليل يبست سنونه
وليد العراقي ضيفكم يالمعازيب
خشير لكم بالزاد لاتحرمونه

(الشاعر بندرالعصيمي)
ورى بنت خالك نيروه الخطاطيب
على كبر راسك جعلهم يدفنونه
عيال العراقي مالهم عندنا صيب
مضيع عقاله والدبا ياكلونه

(الشاعر عيد بن مربح)
ليا منها هجت طبوع الخراعيب
ومستقبل ام البنت ماتضمنونه
تهرب عقب صكت الدولايب
وماكم وماهم خلط ماتعزلونه