وصية عبيلن المباركي لأحفاده.

قصيدة لعبيان بن شافي المباركي العالي يرحمه الله عندما اصابه مرض وتنوّم في المستشفى شهرين يوصي فيها احفاده :
يا راكب اللي كن عطة عكيره
عطة مسيل مثمرات نواميه
مسراه من ديرة ويصبح بديرة
لولا الرسن مضبوط كسر لواحيه
ملفاك ربع فالمنازل شهيرة
ما ينتغبى ذكرهم لو اغبيه
ذوي مويس اللي لجدي ذخيرة
يا عز راسي زال لي عمر ارجيه
واختص اخوي وبشره يا بشيره
بشر بخير ولا تكثم لهم فيه
وسلم على داعي النشاوى الصغيرة
زرع صغار وطامع بالفرج فيه
كم ليلة ناديتهم للبريرة
حق علي وحقهم وين اوديه
وقولوا لعيد يشب نار كبيرة
وصاية من عند جده يوصية
وليا لفى طرقيها لا يشيره
يقوم عجل وكلفته فوق واليه
محماسها عن نارها لا توطيه
لين الصلف ينحل من وجه راعيه
واعط الرجال حقوقهم بالبصيرة
كل عطه حقه وزود لهم فيه
واحتم مواقعنا تراها عسيرة
عسى وصاة الجد تقعد بناخيه
ولا ادري الليال طوال والا قصيرة
لن مت يفقدني ولن عشت ابا اجيه
شهرين ما جاني من أقطان ديرة ولا راح طرقي لاهلنا نوصيه

تصحيح :
محماسها عن نارها لا تديره
لين الصلف ينحل من وجه راعيه