20-May-2006, 09:06 PM
السلام عليكم ورحمة الله وبركاتة
يشكي لي احد الاصحاب حالته من الخساره في سوق الاسهم السعودي
وكذالك احول بعض المتدوالين من اخوننا يثير الحزن
والحمدالله على كل حال
وكتبت الابيات هذي واتمنى اني وصلت للهدف والمعذره على القصور
الوضع متدهور وحبيت تحسينه=والرازق الي عن الاسرار علامي
جلست ادير الهجوس ايساره ايمينه=ومن البحر للخليج ابدارنا النامي
اختار مشروع واحسب كم تثمينه=انقص ارقام ثم اتزود الارقامي
اثر التجاره كلامٍ ويني ووينه=تركتها لاهلها وارخيت الاكمامي
اقفيت ميس واقول الحظ ياشينه=ولادري وش اللي تخفي سود الايامي
اقفيت اللوم الزمان المر وادينه=وسمعت ضوضا العرب في صحف واعلامي
السهم هذا مع الهامور لاقينه=اشروه عنده منح والوعد قدامي
والسهم الاخر ثقيل امضاربه طينه=انحش عنه لايعلقكم باالاقدامي
هرجٍ جديد وغريبٍ جيمه وسينه=نشدت عنه وقالوا خير وانعامي
سوق التداول وهذا الربح جانينه=اتدبل افلوسك اللي جبت في عامي
وحطيت في سوق الاسهم قرضٍ ودينه=ودي احقق ولو شيٍ من احلامي
وقمت تخيل رخاة الوقت مع لينه=المال والمزرعه مع زود خدامي
والرنج كحلي من الارباح شارينه=وابدلك ياشماغ العقل بسامي
والبيت حول الدوام بفن بانينه=حدايق بداخله واسواره ارخامي
والذود من خيرت الاذواد ناقينه=وضحن فهاق السنام ارقابها احسامي
والصيف في ماربيا دوم قاضينه=بلاش مالي ومال الطايف ازحامي
غيره فلايطري وكلن على دينه=عيبٍ تخون الوطن من بعد الاكرامي
واليوم طاح الجمل وومت سكاكينه=ولاعاد باقي به الا جلد واعظامي
اللي دخل سوق الاسهم ربي يعينه=غدالنا فالتداول دف ودحامي
كم خاسرٍ من عناه يصفق ايدينه=ومن اول بالشراء فارس ومقدامي
واليانشدته يغورق دمعه بعينه=يشكي لك الهم وديونه والاوهامي
ضيع حساباته وكثرو دياينه=ومن القهر والعناء سهران مانامي
والقصد في راتبه والدين ياشينه=ولاعاد باقي له من احلامه احلامي
كل الشكر لمن مر من هنا
ناصر
يشكي لي احد الاصحاب حالته من الخساره في سوق الاسهم السعودي
وكذالك احول بعض المتدوالين من اخوننا يثير الحزن
والحمدالله على كل حال
وكتبت الابيات هذي واتمنى اني وصلت للهدف والمعذره على القصور
الوضع متدهور وحبيت تحسينه=والرازق الي عن الاسرار علامي
جلست ادير الهجوس ايساره ايمينه=ومن البحر للخليج ابدارنا النامي
اختار مشروع واحسب كم تثمينه=انقص ارقام ثم اتزود الارقامي
اثر التجاره كلامٍ ويني ووينه=تركتها لاهلها وارخيت الاكمامي
اقفيت ميس واقول الحظ ياشينه=ولادري وش اللي تخفي سود الايامي
اقفيت اللوم الزمان المر وادينه=وسمعت ضوضا العرب في صحف واعلامي
السهم هذا مع الهامور لاقينه=اشروه عنده منح والوعد قدامي
والسهم الاخر ثقيل امضاربه طينه=انحش عنه لايعلقكم باالاقدامي
هرجٍ جديد وغريبٍ جيمه وسينه=نشدت عنه وقالوا خير وانعامي
سوق التداول وهذا الربح جانينه=اتدبل افلوسك اللي جبت في عامي
وحطيت في سوق الاسهم قرضٍ ودينه=ودي احقق ولو شيٍ من احلامي
وقمت تخيل رخاة الوقت مع لينه=المال والمزرعه مع زود خدامي
والرنج كحلي من الارباح شارينه=وابدلك ياشماغ العقل بسامي
والبيت حول الدوام بفن بانينه=حدايق بداخله واسواره ارخامي
والذود من خيرت الاذواد ناقينه=وضحن فهاق السنام ارقابها احسامي
والصيف في ماربيا دوم قاضينه=بلاش مالي ومال الطايف ازحامي
غيره فلايطري وكلن على دينه=عيبٍ تخون الوطن من بعد الاكرامي
واليوم طاح الجمل وومت سكاكينه=ولاعاد باقي به الا جلد واعظامي
اللي دخل سوق الاسهم ربي يعينه=غدالنا فالتداول دف ودحامي
كم خاسرٍ من عناه يصفق ايدينه=ومن اول بالشراء فارس ومقدامي
واليانشدته يغورق دمعه بعينه=يشكي لك الهم وديونه والاوهامي
ضيع حساباته وكثرو دياينه=ومن القهر والعناء سهران مانامي
والقصد في راتبه والدين ياشينه=ولاعاد باقي له من احلامه احلامي
كل الشكر لمن مر من هنا
ناصر
