مــاحفض نفســي كــان ما الله حفضهــا ***
ناصر الجلاه18-Nov-2006, 01:40 PM
قبل امس فرتني هواجيس وافكار= واخذت بصدري تقتلب مع بعضها
عاينت في نفسي من الوضع محتار=مدري وش اللي صابها وش غرضها
واثر الهوى للقلب طاغي وجبار=ومن سبته نفسي تزايد مرضها
وانحشت عنه يمين وانحشت ليسار=لكن مابه علم حاجه فرضها
يابنت في صدري ترى شبت النار=ماحفض نفسي كان ما الله حفضها
روفي بحال اللي عليه الدهر جار=نفسه لغير رضاك ماقد عرضها
ان كان ماجيتي وشافتك الانظار=طاحت عزوم النفس محد(ن) نهضها
بكرر الكلمه ولو صار ماصار=كلمة وحيد(ن) قالها ماحمضها
يافار دلهني وادلهك يافار =واللي فتلها فالنهايه نقضها
وسلامتكــم
أبو نجر النفيعي18-Nov-2006, 02:10 PM
.. .. ..
يابنت في صدري ترى شبت النـار
ماحفض نفسي كان ما الله حفضهـا
روفي بحال اللي عليه الدهـر جـار
نفسه لغير رضـاك ماقـد عرضهـا
الله الله الله عليك يافزاع
قصيده رائعه ومعبره
والله يعينك :)
وصح السانك يالعصيمي
وننتظر جديدك ..
.. ..
تركي البرّاق18-Nov-2006, 02:19 PM
يافـار دلهنـي وادلـهـك يـافـار
واللـي فتلهـا فالنهايـه نقضهـا
الله الله الله ابداع كالعاده يافّــزاع
سلمت وسلمت يمناك وصح لسانك جزل ماتجيب الا الجزل :) :)
<===من أشد متابعينك ومعجبينك :)
تحياتي,,
ذيب السبايا18-Nov-2006, 03:08 PM
السميــــــري18-Nov-2006, 05:14 PM
سلطان الجـذع18-Nov-2006, 06:29 PM
بدر الغبيوي18-Nov-2006, 07:51 PM
صح السانك يالذيب
قصيده رائعه بالفعل
تحياتي لك
بدر الغبيوي
ناصر الجلاه18-Nov-2006, 10:00 PM
ابونجر النفيعي
مروي الشطير
ذيب السبايا
السميري
سفير الجذعان
بدر الغبيوي
صحت ابدانكم ومروركم الصفحه شرف
تحياتي لكم /// فـــــزاع
السميــــــري18-Nov-2006, 10:20 PM
..
قصيد جزل لاياتي الا من العمالقة ..
لاعدمتك بافزاااع ..
وجعل الشعر مايبكيك ..
..
صح لسانك ..
الــوآفــي18-Nov-2006, 11:57 PM
مبدع يا فزاع
صح لسانك ملايين يالغالي
اخوك
فيصل المسعودي19-Nov-2006, 01:13 AM
صح لسانك يافزاع
فعلاً ممتع ومبدع بشعرك
تقبل تحيات
متابعك
فيصل المسعودي
خلف بن مرزوق19-Nov-2006, 06:14 PM
...
..
فزااااااااع
صح لسانك ياشاعر القدير
قمة الابدااااع ولابياتك نشتاق دائما
تميّز في طروحاااتك
مووودتي
.
ناصر الجلاه19-Nov-2006, 08:54 PM
الاخوان الاعزاء :
السميري لاهنت على العوده يالغالي
ذيبان مرحبابك يالغالي ومرورك شرف وصح بدنك
فيصل المسعودي هلابك يالغالي وصح بدنك سعدت بمرورك
خلف مرزوق صح بدنك يالغالي مرورك شرف لي والابداع انتم اهله
عتيبي الطايف20-Nov-2006, 05:46 PM
قصيده رائعه بكل معنى الكلمه
خالد العصيمي24-Nov-2006, 12:20 PM
صح لسانك يافزاع قصيده رائعه بمعنى الكلمه
تحياتي لك يامبدع
ناصر الجلاه25-Nov-2006, 02:07 PM
عتيبي الطايف لاهنت على المرور
والشقاوي اخوي العزيز
صح بدنك
ولاهنت على المرور
فهيد مقعد الرويس27-Nov-2006, 12:50 AM
فزاع
صح السانك وسلم بنانك
قصيده في غاية الروعه
تحيتي وتقديري
ناصر الجلاه27-Nov-2006, 09:41 PM
اخوي المبتدي صح بدنك يالغالي
مرورك شرف
ولاهنت
تحياتي لك
نواف العصيمي27-Nov-2006, 11:14 PM
صح لسانك يافزاع
جزل
لك التقدير والإحترام
ناصر الجلاه03-Dec-2006, 08:07 PM
صح لسانك يافزاع
جزل
لك التقدير والإحترام
مرحبابك ياخوي اسير الصمت
وصح بدنك يالغالي
تشكر على المرور الكريم
