الشعر حكمه والبلد فيه شعار ( لبادي الرجم )

ياهاجسي سير على كل الاقطار = وارقب على روس الرجوم الطويله
واحرص على الجزله ليا جيت تختار = كب الهزيله منت راع الهزيله
حضر زنودك واقدح النار بالنار = لين انها تالع براس الفتيله
ما شوفلي صده ولا شوف معذار = الشعر احبه واعشقه وانتميله
يلي تروز الضلع ويدينك قصار = الضلع ثابت منت قادر تزيله
الشعر اله بين الرياجيل مسعار = واللي تعلق في هواه يعنيله
الشعر ديوان العرب فيه الأ خبار = يحفض من النسيان مجد القبيله
يحيي تراث اهله طويلين الأشبار = مروين شذرات السيوف الصقيله
الشعر والشعار مركب وبحار = مايوصله للسيف غير الدليله
اللي ليا جات المواقيف مابار = دايم وسرجه فوق ظهر الأصيله
الليا مدح يمدح من الناس الاخيار = اهل المكارم كاسبين الجميله
والليا هجا يهجي قصيفين الأنظار = اهل الحسد واهل النفوس الذليله
والليا تغزل قال من عذب الاشعار = مشاعرن بين الخليل وخليله
والليا نصح جاب النصيحه بمعيار = مثل العسل تبري الكبود العليله
الشعر حكمه والبلد فيه شعار = يلي تعاين في سماه وتخيله
بيتن على سيسان ماهو بمنهار = خلك تحت ضل البيوت الضليله

مشكووووووووووور على القصيده
ونتظر جديدك يالشاعر

الشعر ديوان العرب فيـه الأ خبـار
يحفض من النسيـان مجـد القبيلـه
يحيي تراث اهله طويليـن الأشبـار
مروين شذرات السيـوف الصقيلـه


بادي الرجم

صح لسانك واعتلا شانك

قصيده رائعه جدا

وننتظر جديدك

صحت ابدانكم جميع ياابو نجر ويالعازمي

ومشكورين على مروركم الي يشجعني لتقديم المزيد

وانشاءالله تروح وترجع بالسلامه ياابو نجر

صح لسانك يابادي الرجم قصيدة جزله
بيض الله وجهك

الليا مدح يمدح من الناس الاخيـار=اهـل المكـارم كاسبيـن الجميلـه
والليا هجا يهجي قصيفين الأنظـار=اهل الحسد واهل النفـوس الذليلـه
والليا تغزل قال من عذب الاشعـار=مشاعـرن بيـن الخليـل وخليلـه
والليا نصح جاب النصيحه بمعيـار=مثل العسل تبـري الكبـود العليلـه
الشعر حكمـه والبلـد فيـه شعـار=يلـي تعايـن فـي سمـاه وتخيلـه
بيتن على سيسـان ماهـو بمنهـار=خلك تحت ضل البيـوت الضليلـه




صح السانك يابادي الرجم


قصيده جزله من شاعر جزل


لاهنت يالغااااالي


سجل اعجاااااابي

صحت ابدانكم جميع

واشكر كلن من الاخوين فزاع وطه حسين

على مرورهم وتعليقهم على القصيده

واعتبر هذه الاشاده وسام فخر اعلقه على صدري