قصيدة في مخيم النخشة بملتقى عتيبة

السلام على الجميع.
اسمحوا لي أعرض قصيدتي التي ألقيتها في حفلة النخشة البارحة ليلة السبت الموافق 7 / 10 / 1428هـ راجياً أن تنال استحسان الجميع ...
حيث وردني من البعض أنهم لم يسمعوها جيداً خلال الحفل لخلل فالصوت والميكروفونات.


على الله نبتدي بدع الفـــــرايد
وجــــزلٍ نبدعه لازم نقــوله
لهن عــــــــــــدٍ تلافنّه ورايـد
يريضهن ولو كانت عجـــوله
عشـان بعرضهن لاجت عدايد
تحوز الطيبه في كل جــــوله
مثايل كنها زين القــــــــــلايد
ليا حطت على صدر الجفوله
تعلق بين حنيات الجـــــــرايد
وترددها صدور أهل الحموله
قصيدة فاقت أوصاف القصايد
ولاتلقى بها هزل وسمـــــوله
تزرفل زرفله من خلف قـــايد
بنظامٍ من يطالعهن تهـــــــوله
لها ميقاف عند أهل الشــــدايد
ثناها تــــــــــــاج ما كلٍ ينوله
ياكود اللي تعدا كل كـــــــــايد
وكملت فيه ميزات الرجـــوله
وقـــــــــورٍ فيه حِليا ولد زايد
ألا ياسعد منهو صــــار حوله
ورزينٍ حــــــــايزٍ كل العوايد
تراها بابن عبدالله بتــــــــــوله
وعزومٍ بالتواصل جاك جــايد
لها محسن وقف وأعلن مثـوله
وقرمٍ فاللوازم والســـــــــدايد
سعد جانا ورحبنا بوصــــــوله
وباق اشيوخنا فيهم حمـــــــايد
ترى تعدادهم مابه سهـــــــوله
ألاد نخيش زاكين البنـــــــــايد
وكلٍ يبدي اليوم امحصــــــوله
يحوزون المراجــــل والفـوايد
ولهم إخوان بالفخذ وشمــــوله
ألاد نفيع لاجدت جـــــــــــدايد
لهم فالموقف الغصاب صــوله
ثبت ميقافهم وقت الزهـــــــايد
وجــــادوا بالذهب ماحسبوا له
لهم بيضا على روس الشهــايد
بفعلٍ كل خلق الله ثنــــــــوا له
وأنا في ماقفي أفخر وأعــــايد
عسى عيد الفطر يزداد طــوله
وعساه سعيد بالخيرات عــــايد
وينعـــــــــــاد التجمّع أمنوا له
أقوله دامني للذرب صـــــــايد
نفيعي(ن) عرف حزة دخــوله
وباقي غيره أمجاد ومجــــــايد
جوايز ملتقى الهيلا عنـــــوله
يبون الفوز مافيها نشــــــــــايد
وأقول اللي يبونه ياصــــلوله
بدون قصور بقريب ونـــــــايد
ترى كل القبـــــايل جهزوا له
تجمـــــــــــــعهم يزودنا زوايد
وفيه نمثل أدوار البطـــــــوله
عسى من فكر بجمع البـــــدايد
يعيش بعــــــافيه ويدوم زوله
وعسى محفــل عتيبه دوم رايد
ويضرب بالمثل ماخططوا له
فهيد غازي النخيش

بيض الله وجهك ويستاهلون

بيض الله وجهك وصح لسانك ياولد العم