14-Aug-2008, 01:54 AM
قصيده في الشيخ قاعد الوهاب
ياقاعد الوهاب يازبن الدخيل=اللي تنصاء حماك يبغا ضلالها
يلقابها بعد الولي ظل ظليل=يضمن حياته والعدا ما سالها
يامسندي لا جاء للاصايل صهيل=والسابق ارخا اعنانها خيالها
واقبل عليه راعي السيف الصقيل=اللي ليا ناش الرقاب اغتالها
وايقنت باني واقع بامر مهيل=وانا اعزل وعيني تخيل اخيالها
اذكرك يا قاعد بها الخطب الجليل= واقول من له عزوة يلجالها
واجر صوتي واعتزي وانا الاصيل=اللي تهزك عزوته لاقالها
وعز الله انك تحتميني ما تعيل = يا مرجح الوزنه على مكيالها
ابسيفك البتار واليمنى الخطيل=تودع عداك بحالتن يرثالها
شجاعتك من راس جد ولا تميل= عن نخوة اللي يذكرك بهوالها
يامفرج كروب العرب راع الجميل=ياعم راس المرجله ياخالها
يالوافي اللي جار بيتك مايحيل=يكرم بجيرة منزلك لا نالها
لانك لبيته من غذا بيتك تكيل=مايبلش بقوت المره وعيالها
يالماجد اللي ما تحال ولا تحيل=ياللي مواجيب الخوي تسعالها
ياغايه المجمول نقاض الجديل= اللي ماتنضر فالرجال اشكالها
ماتلتفت للاش بالطرف الكحيل = وتقول مال الغيد غير ارجالها
ياللي تشب النار في خشم الفتيل= بقدح زندك ماعسرك اشعالها
يامن عشقت الطايله والمستحيل=ماحدك ومن طيب راسك طالها
يامسري العليا وصلت ابلا دليل=فاول شبابك ما تثنيت اعقالها
يامنومس عتيبه عسا عمرك طويل=يوم الشوارب عزها لسبالها
مسيرتك تحكي حكايه عمر جيل =سيرة فخر وانته عقيد ابطالها
ياشهم ياللي كيف راسك ريح هيل = وادلال المروة شارب فنجالها
يامكرم الظيفان بالوقت الهزيل=يوم البسيطه راد ربي امحالها
ماتحط في وسط الصواني غير حيل = يفداك جالبها على دلالها
وليا نصاك اللي على دينه كفيل = والناس عيت تسعفه بموالها
ما تنشده كثير دينك او قليل = تقضيه والحسنه بعشر امثالها
عز الله انك غيث بالمد الجزيل = ارخا ثعوله والسعد يبرالها
براقه ايلوح ولرعاده ظويل= لله لا يجاز البشر بعمالها
لاهلت امزونه وسالت بالمسيل = تطري على مدتك من همالها
والله تم والله ماغيره وكيل =عالم دقاق نفوسنا وجلالها
ماقلت غير الصدق ماقصدي حصيل=واهل الجزايل ماتغط اجزالها
يا قاعد الله ماخلق كفك بخيل=محكي لها واللي حكت افعالها
لك سمعتن مثل الذهب ماله دخيل =افخر بها واطرب على موالها
واليوم جيتك داخلي مثل المليل=فالكبد حرة ضرني سلالها
مهيب ياكحيلان من فرقا خليل=فالكبد ما حط الهجر منزالها
لا والله من الزمان المستطيل = اللي همومه طالني غربالها
لوعه غرابيله يفوحبها الغليل= يامحزمي فال الله ولا فالها
بديت عمري غايتي فعلن جميل=افخر به وقبيلتي يحلالها
لكن شبيت وبدي الهم الكليل=فاول حياتي هل قبل هلالها
ماذاقت عيوني مراح ولا مقيل = على مدى ايام السنه وليالها
وفالمملكه عيت همومي لا تزيل=ولا عاد عندي حيلتن واحتالها
ومدام للنوماس والوقفه عميل=اهل الجزيره تذتري بجبالها
جيتك يابو ضيف الله بحملن ثقيل=يوم الحمول الجايره لجمالها
ماباقين فالحال عند عقاب حيل=يا شيخ نزل حملتي واشتالها
لاصرت عني ما تحط ولا تشيل=من غيرك اللي يرتكي لثقالها
انت الذي عندك دوى القلب العليل =وانت الوحيد امن البشر يقوالها
لد النظر يشيخ بعقاب السحيل=قدام يرمي غترته واعقالها
واسلم سلمت ابكل يوم وكل ليل= ياللي رقيت من الجبال اطوالها
الشاعر
عقاب عبد الرحمن بن شامان السحيل
ياقاعد الوهاب يازبن الدخيل=اللي تنصاء حماك يبغا ضلالها
يلقابها بعد الولي ظل ظليل=يضمن حياته والعدا ما سالها
يامسندي لا جاء للاصايل صهيل=والسابق ارخا اعنانها خيالها
واقبل عليه راعي السيف الصقيل=اللي ليا ناش الرقاب اغتالها
وايقنت باني واقع بامر مهيل=وانا اعزل وعيني تخيل اخيالها
اذكرك يا قاعد بها الخطب الجليل= واقول من له عزوة يلجالها
واجر صوتي واعتزي وانا الاصيل=اللي تهزك عزوته لاقالها
وعز الله انك تحتميني ما تعيل = يا مرجح الوزنه على مكيالها
ابسيفك البتار واليمنى الخطيل=تودع عداك بحالتن يرثالها
شجاعتك من راس جد ولا تميل= عن نخوة اللي يذكرك بهوالها
يامفرج كروب العرب راع الجميل=ياعم راس المرجله ياخالها
يالوافي اللي جار بيتك مايحيل=يكرم بجيرة منزلك لا نالها
لانك لبيته من غذا بيتك تكيل=مايبلش بقوت المره وعيالها
يالماجد اللي ما تحال ولا تحيل=ياللي مواجيب الخوي تسعالها
ياغايه المجمول نقاض الجديل= اللي ماتنضر فالرجال اشكالها
ماتلتفت للاش بالطرف الكحيل = وتقول مال الغيد غير ارجالها
ياللي تشب النار في خشم الفتيل= بقدح زندك ماعسرك اشعالها
يامن عشقت الطايله والمستحيل=ماحدك ومن طيب راسك طالها
يامسري العليا وصلت ابلا دليل=فاول شبابك ما تثنيت اعقالها
يامنومس عتيبه عسا عمرك طويل=يوم الشوارب عزها لسبالها
مسيرتك تحكي حكايه عمر جيل =سيرة فخر وانته عقيد ابطالها
ياشهم ياللي كيف راسك ريح هيل = وادلال المروة شارب فنجالها
يامكرم الظيفان بالوقت الهزيل=يوم البسيطه راد ربي امحالها
ماتحط في وسط الصواني غير حيل = يفداك جالبها على دلالها
وليا نصاك اللي على دينه كفيل = والناس عيت تسعفه بموالها
ما تنشده كثير دينك او قليل = تقضيه والحسنه بعشر امثالها
عز الله انك غيث بالمد الجزيل = ارخا ثعوله والسعد يبرالها
براقه ايلوح ولرعاده ظويل= لله لا يجاز البشر بعمالها
لاهلت امزونه وسالت بالمسيل = تطري على مدتك من همالها
والله تم والله ماغيره وكيل =عالم دقاق نفوسنا وجلالها
ماقلت غير الصدق ماقصدي حصيل=واهل الجزايل ماتغط اجزالها
يا قاعد الله ماخلق كفك بخيل=محكي لها واللي حكت افعالها
لك سمعتن مثل الذهب ماله دخيل =افخر بها واطرب على موالها
واليوم جيتك داخلي مثل المليل=فالكبد حرة ضرني سلالها
مهيب ياكحيلان من فرقا خليل=فالكبد ما حط الهجر منزالها
لا والله من الزمان المستطيل = اللي همومه طالني غربالها
لوعه غرابيله يفوحبها الغليل= يامحزمي فال الله ولا فالها
بديت عمري غايتي فعلن جميل=افخر به وقبيلتي يحلالها
لكن شبيت وبدي الهم الكليل=فاول حياتي هل قبل هلالها
ماذاقت عيوني مراح ولا مقيل = على مدى ايام السنه وليالها
وفالمملكه عيت همومي لا تزيل=ولا عاد عندي حيلتن واحتالها
ومدام للنوماس والوقفه عميل=اهل الجزيره تذتري بجبالها
جيتك يابو ضيف الله بحملن ثقيل=يوم الحمول الجايره لجمالها
ماباقين فالحال عند عقاب حيل=يا شيخ نزل حملتي واشتالها
لاصرت عني ما تحط ولا تشيل=من غيرك اللي يرتكي لثقالها
انت الذي عندك دوى القلب العليل =وانت الوحيد امن البشر يقوالها
لد النظر يشيخ بعقاب السحيل=قدام يرمي غترته واعقالها
واسلم سلمت ابكل يوم وكل ليل= ياللي رقيت من الجبال اطوالها
الشاعر
عقاب عبد الرحمن بن شامان السحيل
