ليا قال واحد وين ديرتك وانت من انـت

ناسبة القصيده :-

كان الشاعر في مجلس يدور فيه الحديث حول الأنساب وحول القبائل وحول الديار ومواطن بعض القبائل قديماً وحديثاً ، وقال احد المتحدثين ياعايش السلمي لو قال لك واحد من الناس الى اي قبيله من القبائل القديمه تنتسب سليم واين ديارها فكيف تحدد ذلك وماذا تقول لسائل فرد عليه الشاعر وقال انتظر وسوف اعطيك الجواب بأسرع وقت ورد عليه بهذه القصيده .






ليا قال واحد وين ديرتك وانت من انـت = يبي يعـرف الديـره ويعـرف قبايلهـا
ابا اقول عندي كـل ماتطلبـه لاهنـت = ابعطيك نبذه عـن ماتطلـب وسجلهـا
انا من قبائل قيس ان اسيت والاحسنت= على ارض الجزيره مستطيله منازلهـا
ومنهم سليم افخر بهـم كـل مابينـت = تواريخهـم تعـرف مايحـتـاج احللها
بايعنا الرسول وبا يعوه الولـد والبنـت= وسقنا القدم واللـي ماتسلـم نقاتلهـا
قبل تارد البلجيـك والفـال والفجلنـت=بحدب السيوف اللي تلامـع صقايلهـا
مايحتاج للبصمه ولااحتاج سحب ابرنت= كلام الجـدود اللـي ورثنـاء يعادلهـا
وقر درة الأنساب والسيـره ان ظننـت= وتلقى علومـي لـك وتلقـى دلايلهـا
وتلقى سليم بصفحة المجد لن عاينـت=ومابيـن مكـه والمدينـه معاقلـهـا
بلاد الصحابه والرسل بأرضها استوطنت= ومـن لايعبـد الله مايسكـن بداخلهـا
بنينا حصوناً مادخلها رمـل و اسمنـت= بصم الحجـر ويديـن قومـاً تشايلهـا
ماهيمن علينا بوش في وقتها وكلنـت=وحمـر العلابـي ماسمعنـا فعايلـهـا
وخذ موجز اخباري لاترجع مثل ماكنت= ترى الكلمه ليا جـات تسنـد لقايلهـا
ولو هونـوا كـل المخاليـق ماهونـت= هذا اخبارنا والنـاس قبلـك تداولهـا
وما أمن به محمد نبـي العبـاد أمنـت= ويكفي ماقلته لـك مايحتـاج اطولهـا




من قصائد الشاعر/ عايش السلمي

والله ونعم ياسليم ياعيال ((((((((((((((((الصحابه))))))))))))))))))))))))))) )))

وأعطاه الجواب الكافي الشافي


لاهنت يالغالي

والله ونعم بك وبربعك يالسلمي

ياولد عمي القيسي

ولكن لدي سؤال ابحث عن اجابته؟

مالذي نحى بسليم عن شبابة وريثة قيس إلى أحضان خنذف عدو الامس اللدود؟

ليس بين مضر عداوات