ياسلام الله عليكم

ياسلام الله عليكم يالرجال اهل الشهامه=يالرجال اللي تحج البيت وتزور المدينه
مانبي شاعر يخبط الصدر ويشيل العمامه=ون نشدته قال مدري ونشدو عني جهينه

ارحب ارحب ونتشرف بالرجال أهل الزعامة = جاتنا بأرزاقها فوق السرية بالثمينة
السماء زرقاء ولا فيها سحاب ولا غمامة = والقمر والشمس تبدي للعيون وللمدينة

يالعصيمي من يحاسبني قبل يوم القيامه=من يحاسبني على ذنب العجوز اللي حزينه
صاحبي وده يصافحني وصفره في حزامه=لوضحك معنا بعد بكره تسمعنا ونينه

الله الله ياسلام عليكم صح لسانك ياراشد وصح لسانك ياصامل

مشكلة لو كان ماتعرف حلاله من حرامه = ماتجيب إلا الجزيلة ماتسيب إلا المشينة
الرجل وده بخير وشكتك فيها علامة = احسن النية ياراشد لاتشيل المستهينة

الجمل يهدر بعد حطيت يدي في سنامه=مادرى انا بالحمول اللي ثقيله محتزينه
لاتصدق واحد جاك بغصن ولا حمامه= العرب حدت عليك السيف ورهت في سنينه

صحت الالسن والقلوب واصلوا وانا متابع

الجمل وده يشيل الحمل وآقوّد خطامه = عايزٍ حملٍ ثقيل ولارضى واحد يهينه
والله إنا نعرف الديكة مهي مثل النعامة = والعتيبي يعرف الطالة وسيفه في يدينه

ما لقينا الورد يزرع فيك ياوادي ثمامه=مالقينا كود فارس قابض السيف ابيمينه
والله انا نعرف الفارس قبل نسمع كلامه=ونت راع الطايله تشهد على جدك سنينه

راشد النفيعي

صح لسانك وبيض الله وجهك

تشرفت باللعب معك

وختامها مسك يالغالي

لا عدمناك

:)

صامل بيض الله وجهك تشرفت بالعب معاك استاذنك

لان عندي شغله قبل يقفل السوق

لاعدمناكم شعراء لكم مستقيل مشرق لكم تقديري

لاعدمناكم شعراء لكم مستقيل مشرق لكم تقديري


مشكور ياسعد مرورك انار متصفحي دمت بخير