أهل النمايم

من يوم شفت السحاب وكثرة إبروقه .... اشتقت لديره اللي لاح بارقها
لون ماعاد ليه بالسفر طوقه .... لاكن نفسي بعاد الزين يقلقها
من بينا السر حط بوسط صندوقه ... وبيبان الاسرار محكمها ومغلقها
الدم عيا يسير بداخل إعروقه .... يصعب عليه فراقه كيف أفارقها
أسهر بليلي وغن القاف و أطروقه .... لينن شمس النهار يبين مشرقها
وجربت الايام حلو الوقت وعلوقه .... يا كم نهارن تجرعنا علايقها
إن أدبرت روحت ماهيب ملحوقه .... وإن أقبلت ماصفت لك لو تعانقها
و أخذت منها دروسن حيل مرموقه .... ما كل تلميذ يدرسها تفوقها
نجحت فيها ومسرع عندها البوقه .... أسرع من الساعه إن فرت دقايقها
و قالو يقولون بثت نشرة العوقه .... يا الله تحطم لنا النشره وبارقها
وكالتن با الدجل تلفق وملفوقه .... برياسة اللي علوم الكذب لفقها
و أهل النمايم ترى ماهيب مسبوقه .... على علومن تلفقها و تلحقها
إن جيتهم ما أزين الواحد ومنطوقه .... وإن رحت عنها عراقيبك تمزقها
ما ترفع الراس مفهوقه ومطقوقه .... ومن الجبانه تدرق في مدارقها
يا الله عساها إنار الخلد مسيوقه .... حقن إل سود الوجيه النار تحرقها
و إن شفت جمعن وجيهن قشر مسحوقه .... أخير من مجلسن معها مفارقها
والطيب نجزاه طيب ونوفي حقوقه .... ولا الرديين مانتبع طرايقها
و الشعر غالي ولا كلن عرف سوقه .... حلو المعاني وغوصن في عمايقها
عندي و عند الرجال اللي على ذوقه .... وتروح كذب العلوم ألا حقايقها
طاحت مزون الحياء و الوسم و بروقه .... وشتقت لديره اللي لاح بارقها

الشاعر : نواف نايف هلال الحزيمي العتيبي