كان قبلان شاعريستحق النجوم
نايف المطيري20-Jun-2007, 02:46 PM
كان قبلان شاعريستحق النجوم
ينزل الملعبه ويطب ميدانها
خطتي من بدايتها تراهاهجوم
والتحدي بمظهرها وعنوانها
السميــــــري20-Jun-2007, 02:49 PM
الله الله ..
صح لسانك ,,
يانايف ..
وننتظر المبدع قبلان ..
وصح لسانه مقدما,
أبو نجر النفيعي20-Jun-2007, 02:52 PM
صح لسانك يا نايف
بدعة هجوميه
خوي السعد20-Jun-2007, 03:38 PM
مساك الله بالخير بالنيابه عن بن عمي قبلان
استلم يانايف
بالنيابه عن اللي يكملون اللزوم = ربعي اللي ساحات الهوش فرسانها
جيت نايف وانا شايف براسه علوم = والتحدي لها وارجح بميزانها
نايف المطيري20-Jun-2007, 04:16 PM
دام حامي بربعك دونهم قوم قوم
ثم شيل الحمول ودرك اوازانها
الرجاله تراها في الرجال القروم
والسفاهه تراها عند ورعانها
نايف المطيري20-Jun-2007, 04:17 PM
السميري وابو نجر
شكرا للمتابعه وحياكم الله
خوي السعد20-Jun-2007, 04:27 PM
دون ربعي ماخاف من القنا والسهوم = وانت سرج حصانك واكرب بطانها
الحشيمه نقدمها لكل محشوم = والرديه لجاهلها وخوانها
نايف المطيري20-Jun-2007, 04:57 PM
ياخوي السعداعرف تراك مهزوم
والهزيمه نبا نعطيك برهانها
الحمايا عن الي يفهمون السلوم
وباقي الخلق تركها على شانها
خوي السعد20-Jun-2007, 05:09 PM
انت هرجك كثير ومغريتك الحلوم = واكثر الناس نكبتها من السانها
الحمايا لهلها والضعيف امخدوم = مار درب السلامه عانها عانها
معجب العتيبي20-Jun-2007, 05:17 PM
كل واحد منكم اكثر ابداعا من الأخر
الله الله في اللعب والأناقه
نايف المطيري20-Jun-2007, 05:22 PM
علم الي ورااك وبلغه بالهموم
هرجته من لسانه كيف ماصانها
دام ضعفان خله في طريق الجموم
تعدمه ويت المويه بدخانها
نايف المطيري20-Jun-2007, 05:35 PM
كل واحد منكم اكثر ابداعا من الأخر
الله الله في اللعب والأناقه
سارح البال حياك الله وشكرللمتابعه
بديع القوافي20-Jun-2007, 05:36 PM
ياخوي السعداعرف تراك مهزوم
والهزيمه نبا نعطيك برهانها
الحمايا عن الي يفهمون السلوم
وباقي الخلق تركها على شانها
ياخوي السعداعرف تراك مهزوم=والهزيمه نبا نعطيك برهانها
الحمايا عن الي يفهمون السلوم=وباقي الخلق تركها على شانها
ياسلاام ياسلاام عليك يابن العم
بيض الله وجهك وصح السانك
وصح السان قبيلك
الليل
الليل
وزهل الصف يانايف
أبردح لين يذن مذن التالي
ياولد ياولد أرهووووووو بالماء على الصفووووف:)
نايف المطيري20-Jun-2007, 05:40 PM
صح بدنك يابديع القوافي
امسك الصف واسهل الباقي علي وانا ابوزيد
احترامي لك ولمتابعتك
خوي السعد20-Jun-2007, 05:47 PM
من نطق بالحقيقه ليه تلحقه لوم = لوم ناس (ن) تضيع حق ضيفانها
قسمنا يالمطاري من خيار القسوم = ليت بعض العلوم اتصك بيبانها
بديع القوافي20-Jun-2007, 05:47 PM
صح بدنك يابديع القوافي
امسك الصف واسهل الباقي علي وانا ابوزيد
احترامي لك ولمتابعتك
كفووووووو يانايف
تقول وطول
حي والله هالبنايد
والصف أزهله
ولايهمك يابن العم
أرقى سنوود
وأنا عضيدك
بديع القوافي
خوي السعد20-Jun-2007, 05:48 PM
سارح البال وبديع القوافي هلا وغلا .
بديع القوافي20-Jun-2007, 05:49 PM
خوي السعد
هلابك عداد السيل
مرزوق حمدان العتيبي20-Jun-2007, 05:54 PM
...
.
نايف المطيري ... صح لسانك ....
خوي السعد .. لاهنت ياراع الجزاله وصفك مكتمل
وفالك السعد.....
نايف المطيري20-Jun-2007, 06:09 PM
انت ياعاقل المره دفعت الرسوم
و العرب سلمها اكرام جيرانها
انتبه يالعتيبي من لهيب السموم
واحمد الله بعد ماثبت اركانها
نايف المطيري20-Jun-2007, 06:12 PM
خوي السعد20-Jun-2007, 06:21 PM
نكرم الجار والله جعل فضله يدوم = والخوي نحشمه ونذل عدوانها
دام راسي صليب ودام جنبي دحوم = ماتردد عن الهيجا وشجعانها
خوي السعد20-Jun-2007, 06:23 PM
ابو محمد سنايدي ياصليب الراس اكبر فخر يوم تكون في صفي .
نايف المطيري20-Jun-2007, 06:37 PM
خوي السعد على اسمك وماقصرت يالغالي
والله يكثرمن امثالك شكرا ولنا لقاء انشالله
خوي السعد20-Jun-2007, 06:47 PM
مشكور يانايف ولاعليك زود يالنشمي
باذن الله نلتقي مرات قادمه .
بديع القوافي20-Jun-2007, 07:19 PM
انت ياعاقل المره دفعت الرسوم
و العرب سلمها اكرام جيرانها
انتبه يالعتيبي من لهيب السموم
واحمد الله بعد ماثبت اركانها
انتبه يالعتيبي من لهيب السموم=واحمد الله بعد ماثبت اركانها
ياسلااام ياسلاااام عليك يانايف
عان الأبداع وعان ليلته
صح السانك لين ترضى
يالقرم
بيض الله وجهك بيض الله وجهك
وصح السان قبيلك
واصلووو متابعين
غازي غالب20-Jun-2007, 08:21 PM
دون ربعي ماخاف من القنا والسهوم
وانت سرج حصانك واكرب بطانهـا
الحشيمـه نقدمهـا لكـل محشـوم
والـرديـه لجاهلـهـا وخوانـهـا
دام راسي صليب ودام جنبي دحوم
ماتردد عن الهيجـا وشجعانهـا
تقول وتطول ياخوي السعد اي والله ... وصح لسانك مليون .. ولاهنت ..
وصح لسان المطيري ...
تحياااااااااتي
ال ماطر21-Jun-2007, 12:02 AM
ننتظر قبلان لين يرد عليك وصح السانك انت وهو مقدما
صنداح الزلامي21-Jun-2007, 12:39 AM
الشجا عة تراها ماتجي لرخوم
والمطيري ذبح نفسه على شانها
دام قبلان فى الميدان ضد الخصوم
نعرف القوم راحها وخسرنها
علي المقاطي21-Jun-2007, 01:09 AM
خوي السعد ونايف المطيري
بيض الله وجيهكم ولا قصرتوااااا....
ننتظر منكم محاورة قادمة
نايف المطيري21-Jun-2007, 11:57 AM
بديع كفوووووووووووو وجعلك تسلم
علي المقاطي
صنداح الزلامي
شكرا للمتابعه
سفير علوى27-Jun-2007, 07:48 PM
الله الله
صح لسانك يانايف جزل وماهي غريبه عليك الجزاله
ولا يهون العتيبي
اخو جوزه28-Jun-2007, 01:21 AM
صح لسانك يانايف شاعر ومبدع
ولايهون العتيبي
ابو لمار28-Jun-2007, 03:39 AM
دام حامي بربعك دونهم قوم قوم = ثم شيل الحمول ودرك اوازانها
الرجاله تراها في الرجال القروم = والسفاهه تراها عند ورعانها
الله الله الله يانايف المطيري
صح لسانك ملايين ولاتكفي
لله درك يالمطيري
وصح لسان خوي السعد ولاهان
واااااااااااااصلوا متاااااااااابع
نايف المطيري28-Jun-2007, 02:56 PM
لمار
صح بدنك وشكراا لمرورك ومشاركتك
والمحاوره انتهت يسعد مساك
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
