اهداء للشيخ:تركي بن عمر بن ربيعان من الشاعر:عبدالعزيز القويز

يالله انـا طالبـك عجـل بالافـراج
لاشحـت الايـام عنـدك خراجـي
يوم انت ياتركي سند كـل محتـاج
عاني من اقصى نجد ياميـر راجـي
الصدر ضاق ولابها ضحكة حجـاج
والانتظـار اليـوم عكـر مزاجـي
انت دهمان ومنبعـك مثـل هـداج
عدٍ قراح و لا انـت عـدٍ هماجـي
يجلى الظلام النور والصبح ينبـاج
والله كريـم وعنـده الانفـراجـي
يا بو عمر لو كـان صـكٍ المـواج
ريف لربعك في سمـوم وعجاجـي
بابك فتحتـه مـا قفلتـه ببوتـاج
يا ذابـح القعـدان غيـر النعاجـي
ماانتب مثل من حط بالباب مـزلاج
والى بلش بالضيف قلـط دجاجـي
يابوعمر لو اني احرجتـك احـراج
راسي من الصكات جـاه ارتجاجـي
لك مع هل الطالات مدخل ومخـراج
نور القمر لا بان غطـى السراجـي
لا اهل الوفاء والطيب عشرين منهاج
وجدي على يوم يضحـك حجاجـي

وين الردوووود يالربع

يستاهل ابو عمر
ومشكور يالثبيتي علي النقل

نشكرررك يالامير على مرووووورك

أخوك/الثبيتي

الشيخ تركي بن عمر غني عن التعريف وموارده تظهر الغريق

وسند لمن يلجأ إليه...

صح لسان الشاعر القويز وسلمت ولا هنت يالثبيتي

تمنياتي لك بالتوفيق

مشكووووووووور اخوي زيد مرووووورك

يقول بندر بن سرور العطاوي


تـــركــــي ليامن الليالي غــدن عـــوج

حمله عتيبه كلـــها ماتشيلــــــــــه

السلام عليكم ورحمة اللة وبركاته

تركي ونعم شيخ معروف وكل يعرفه

وماقصر الشاعر ولكن ماهو الهدف من الكصيدة (أسف القصيدة)



اخوكم/ حســـــــان

أخوي ولد الروقه اولا اشكرك كل الشكر على المرور
والمقصود بـــ
تركي ليامن الليالي غدن عوج
حمل عتيبه كلها ماتشيله

الامير تركي بن فيحان بن ربيعان وليس تركي بن عمر بن ربيعان

واشكرك مرة ثانيه على المرور ولاهنت

حسان اشكرك على مرورك المشرف والمناسبه قريتها في
احدالمواقع وحبيت انقلها لكم

تقبل تحيات أخوك/الثبيتي