من دار ابو متعب لدار الصباح (تعال ياكعام )

..
عزيز كعام المعادي ودنا نطقطق معك في هالقاف
.....

في دار ابو متعب نرحب فيك من دار الصباح = يامرحبا ترحيبة ٍ فيها السلامه والخطر
تعال يالكعام قبل الفجر يعلن بالصباح = اللعب ِقدم الناس والمعنى على سطح القمر

يامرحبا يامرحبا في استأذنا واتشرف ان استفيد منك :)



يامرحبا من دار اخو مريم ليا دار الفلاح = ترحيب صافي ياصل الشيخان مع درب الخبر
كعام حاضر في دفاع وفي هجوم وفي جناح = اللعب بين الناس والمعنى على فر(ن) وكر

هذا والله العلم ..

استاذنا مرزوق

وكعام المعادي

مداااارس

هااا شدّو الحيل وحنّا نتعلم

:)

..
ماعليك اقصور والمرحب باقي
....

ياليل ياليل السعد فرصه نلبسها الوشاح = امقابلك ياصاحبي فرصه ثمينه بالعمر
مدري وش اللي مشغل ٍ بالك وسامع لك صياح = والجو صافي والمدينه ليلها فاح بعطر

...
.
مرحبا الف يامخلف الهقاوي
نورت هالساع :)
...

مرزوق


صح ألسانك


ومتابع

ياليل ياليل السعد فرصـه نلبسهـا الوشـاح
امقابلـك ياصاحبـي فرصـه ثمينـه بالعمـر
مدري وش اللي مشغل ٍ بالك وسامع لك صياح
والجو صافي والمدينـه ليلهـا فـاح بعطـر


مديرنا :) اقرب اقرب ::خشمك ><::

النور نورك يااستاذي::مار رد على رسالتي فالخاص لها زود الخمس طعش

يوم:rolleyes: ليا منك قضيت وصار عندك فضوهـ

...
.
صح بدنك يابو مشعاب
...


ارحببببببببببببببببب امرار وتكرار يامخلف الهقاوي وصلك الرد
وكلك ذوق ........

مرزوق العتيبي مبدع


كعام المعادي شهادتي فيك مجروحه
وانا اخوك


واصلووووووووو

بيّض الله وجهك ياولد العم

وجاتك غيرهاا <== قلق هالولد هههه

انتظر ردك :)

مرزوق


كعام المعادي


طاروق كايف


صحت السنتكم

مرزوق وكعام المعادي الله يعطيكم العافيه
امتعونا .

:) ههههه :) الله الله طيب طيب

السموحه يابن عمي والله جهازي مدري علامه لاكن استلم والسموحه من الله ثم منك ..




اعرفك رجل(ن) ماتبا غير السعاده والسماح = واللي قبيلك مايبا غير المغامر فالبحر
خل اللذي قد راح واللي راح تقفاه الرماح = ناس(ن) تدور للقشر والله بلاها بالقشر

راعي العلطا

زبن القاضي

مخلف الهقاوي

خوي السعد
........

لاهنت على المرور العطر

وصحت قلوبكم ...

...
.
راع العلطا ومخلف الهقاوي
تواجدكم معنا هو غاية المنى .....
صحت ابدانكم .....

...
.
معذور وماحصل اقصور ياعصابة راسي
الله الله ...
..
استلم استلم ..
...



مافيه جيش بلا رجال ولارجال بلا سلاح= هذا الكلام اللي يعرفونه رياجيل الظفر
خلك معي لاتبتعد واصبر على بعض المزاح = واليا عطيتك هرجتي ركز وطالع بالنظر

طيب طيب


الجيش ماذمهمه ولاكن فيه طرف(ن) به جراح = وانا طبيب(ن) للجراح الكايده بالمختصر
وانا معك وليا وردنا مانبا غار القراح = ماكل من يملك ريال الناس قالو له تجر

..
هالله هالله
استلم ..
..

انا ذراك ان هبهبت فوقك هباهيب الرياح = وانته تعرف الشي هذا يالصديق المعتبر
زعلتني في حاجة ٍ ما تستزيد الارتياح = يومك تودد للبعيد اللي موريك القهر

استلم استلم ..


من دون شك البت واحد من( جناح اليا جناح) = هذا كلام ابن الزلامي بعد مرسوم الخبر
الشاهد الله معك والخفاق معكم مستراح = والثانيه ردي بها بين المحاني منحصر

..
:) طيب طيب ..



البيت كانه ما انضبط ساسه لاجته الريح طاح = ياللي تحاول تحت بيت العز تحفر لك حفر
الهرج في وقت السعه ماهوب عنوان النجاح =وانته تذكر فالليال الماضيات اللي غبر

الله الله طيب استلم :)


لي فوق هضبات الجبال الشامخه (عد) ومراح = وفي وسط عروى ياوسيع العرف قلبان وقصر
اثر الصدور اليوم فيها علم يامال الصلاح = ابعدك عن درب الجمر ترجع على درب الجمر

الله الله صحت السنتكم اجمعين
واصلوا............. متابعين

انا ذراك ان هبهبت فوقك هباهيب الرياح
وانته تعرف الشي هذا يالصديق المعتبـــر


من دون شك البت واحد من( جناح اليا جناح)
هذا كلام ابن الزلامي بعـد مرسـوم الخبـر



مرزوق العتيبي كعام المعادي

صحت السنتكم سعدت بقراءة

هذه المحاورة الجزلة

و تقبلوا تقديري

التحدي

ياحي هالشوفه وراعيها

.................

البواردي

سعيدين بأطرائك ومتابعتك

تقبل شكري وتقدير

لي فوق هضبات الجبال الشامخه (عد) ومراح
وفي وسط عروى ياوسيع العرف قلبان وقصر
...
لي فوق هضبات الجبال الشامخه (عد) ومراح
وفي وسط عروى ياوسيع العرف قلبان وقصر
..
لي فوق هضبات الجبال الشامخه (عد) ومراح
وفي وسط عروى ياوسيع العرف قلبان وقصر
وش اقول عقب هالبيت ... :)
صح لسانك والى لقاء اخر يابطل ....
....

..
.
الاساتذه ...
التحدي والبواردي .....
كل الشكر على تواجدكم الفاخر ...
.. مودتي
.....

صح السانك يامرزوق

شهادة حق اني استفدة الشي الكثر
في مجاراتي معك يااستاذ

والاستفاده لي بلاشك ..

انت والله مدرسه ::
واشكرك كل الشكر على اللعب الطيب

ولنا لقاء آخر انشأ الله

اتركك بود

بيّض الله وجهك ياولد العم

لا هنتوا وبيض الله وجيهكم وصحة السنتكم

مرزوق .. كعام المعادي ..


محاورة كانت ناجحة .. من شعار متمكنين ..

صحة السنتكم ..

ذيب من عتيبه
انا الي يقولولي الذيب
انا الذيب الي اعوي فاليالي
والي يقول مالي بذيب اهيب
انا الذيب الي اسهر الليالي الحالي
انا الذيب الي افترس الذيابةلاتقولون عجيب
أنا الذيب اللي أعوي في الضلع العالي

الشبح

الصحراء

بيرق الشعر

.........

لاهنتو على المرور الطيب

...
.
الف شكر للجميع ... على الحضور والتعليق ...
..
مودتي
....