قصة شالح بن هدلان في ولده ذيب

بسم الله الرحمن الرحيم

قصة شالح بن هدلان في ولده ذيب

القصه هذي من وأنا صغيره جدي وجدتي وأبوي يرددونها لي

لكن للاسف اشوف الناس اللي معي اغلبهم يجيب سيرة جواد العلي ولا مساري ولا انريكي قلاسيس وغيرهم من الواطين

ونسو قصص وقصايد اهلنا اهل الكرم والجود ومهما قلت في حكمهم بضل مقصره

على العموم الله يهديهم

عندما مات الفارس ذيب بن شالح بن هدلان من الخنافرة من قبيلة قحطان حزن عليه ابوه حزن شديد لانه كان بار بوالديه وكان فارس قل نظيره 0

وقال فيه عده قصائد منها:

يا ربعـنا ياللّي على الفـطّرَ الشّيب"="عزالله إنه ضاع منكم وداعَـهْ

رحتوا على الطّوعات مثلِ العياسيب"="وجيت ُوا وخَلّيتوا لقلبي بضاعَـه

خــليتوا النّادِرِ بدارِ الاجَـــانيـب"= "وضاقت بي الآفاق عقب اتساعهْ

تكدرون لي صافيات الـمشاريب"="وبا لعون شفتَ الذل عقب الشجاعةْ

يـا ذيب انا بوصيك لا تأكل الذيب"="كم ليلةٍ عشاك عقب المـجاعـــه

كم ليلةٍ عشاك حـرش العـراقيب "="وكم شيخِ قُومٍ كزته لك ذراعـهْ

كفّه بعـدوانه شنيـع المـضاريب"="ويس قي عدوه بالوغي سم ساعـة

ويضحَك ليا صكت عليه المغاليب"=" ويلكد على جميع العدو باندفاعـهْ

وبيـتِـه لجيرانِه يشيّد على الطيب "="وللضيف يبنى في طويل الرفـاعـهْ

جرحي عطيب ولابقى لي مقاضِيب"="وافخت حبل الوصل عقب انقطاعهْ

كني بعد فقِدِه بِحـامي اللـواهيب "="وكني غريب الدار ما لي جماعــهْ

من عقب ذيب الخيل عرج مهاليب"="ياهل الرمك ما عاد فيهن طماعه

قالو تطيب وفلت وش لون ابا طيب"="وطلبت من عند الكريم الشفاعَـهْ

وبقي شالح حزيناً كظيماً يسهر أيامه ولياليه ولا يفارق نار قهوته , وذات ليلة وهو ساهر مع أحزانه أتاه شخص يسمى الهويدي قد ضاع صقره واخذ يبحث عنه بالليل ويسأل كل من رأى فرد عليه شالح بهذه القصيدة

إن كان تنشد يالهويدي عن الطيرْ"="الطير والله يالهويدي غــَـدَ لِي

طيري عذاب معسكرات المسامير"="إن حل عند اقطِيّهن الجــفـالي

إن جاء نهار فيه شرّ بلا خـير"=" وغدا لهن عند الطريح اجتوالِـيْ

إن دبرن خيل وخيل مناحـير"=" وغدن مثل مخــزمات الجمـالِيْ

على الرّمَك صيدهِ عيالٍ مناعير"=" وشره على نشر الحَريب الموالِيْ

يضحك ليا صكّت عليه الطوابير"="طير السعد قلبه من الخوف خالِيْ

خيّالنا وإن عرجدنّ المظاهِـير"=" وزيزوم عيرات طُـواها الحيالِيْ

غيثٍ لنا وان جت ليالي المعاسير"=" وبالشح ريفٍ للضعُوف الهزالِيْ

يسْقِي ثَراه من الروايح مـزابير "=" تمطر على قبر سكن فيه غـالِيْ
وهنا بن هدلان يقصد بالطير ابنه ذيب

والقصه ذي تهيض حيييييييييييييييييييل خصوصا يومه يرثي في ولده



تحيــــــــــــــــاتـي

مشكووور يابوداحم عالنقل المميز
والشيخ شالح بن هدلان رحمه الله شهدله التاريخ
...

مشكووور يابوداحم عالنقل المميز
والشيخ شالح بن هدلان رحمه الله شهدله التاريخ
...





دمت بود

لقد اطريت السننا بقراءة تللك القصيدتين
بيض الله وجهك وماقصرت اخي الكريم

اتمنى من المشرفين تصحيح السطر الرابع من كتابة اخونا عبدالرحمن الهيلوم

ونشكرك ياعبدالرحمن على الموضوع ورحم الله شالح بن هدلان وابنه الفارس ذيب