شقير بن عقيل ( قالها شاعرنا وهو في الهند )

قالها شاعرنا وهو في الهند عندما صادفه عيد الاضحى وتذكر عوايد وعادات نجد العزيزة






العيد يلي ترفع الصوت بالعيد=
عانه بنجد الله علينا يعيده=
عيدن مع الربع الحشاما الصناديد=
وذبح الضحايا والهدوم الجديدة=
مهوب عيد مغيرين التقاليد=
عبادة الاصنام فوق الجريده=
هندي وهندوسي يقوسن عساريد=
عسى لهم ماعاد يبقى شريده=
عسالهم من دولة الصين تهديد=
ذريتن عامر بلدهم تبيده=
تجمد انهاره من الاشعاع تجميد=
ساعة لينه رايحن في وقيده=
لحيث فيه العيد ماشفت انا عيد=
قولي يا ذاعه واكتبي ياجريده=
قولي ما قال العتيبي بترديد=
مبروك عيد اهل الديار البعيده=
مبروك عيد المملكة علم تأكيد=
الاولى كلمة والاخرى قصيدة=
دار الشهامه والشرف والاجاويد=
ألي بها سنة محمد جديدة=
مهبط وحي شيد به البيت تشييد=
مجري سفينة نوح خالق عبيدة=
ربٍ مشرفها على جملة البيض=
طهر مشاربها وطهر صعيده=
عسى عليها السيل يمطر تراديد=
يحيي شجرها اللي يباسٍ هميده=
دارٍ ورثناها من الجدّ والجيد=
يومٍ كل وقفته مع عضيده=
فيها رعانا بالبكار الملاهيد=
وسرد المهار مكاضمات الحديده=
ننزل على راع الوعد بالمواعيد=
يصيدنا ولا المنايا تصيده=
ربعي عتيبه من خيار الاواليد=
على ظهور الخيل روسٍ عنيده=
نصدر ونارد في نهار المواريد=
نشرب ونزي اعدنا من نكيده=
قومن نصبحها وقومن مهاجيد=
وقومن نقابلها نهار الوعيده=
وفيها نزلنا والقبايل عراجيد=
لثوّر البارق قداه العقيــده=
وبالسيف اخذناها وحمر العباريد=
ما سند العارض لحد اللبيـده=
من الجنوب حدودنا الهضب وتزيد=
ومن الشمال ليا العساكر وعيـده=
وفيها اقتسمنا يوم جينا معاويد=
يومٍ كلن فعل ربعه رصيده=
رصيدنا مرضى امهات المفاريد=
فوسط نجد من المرابي وحيده=
عنها القبايل من وحمنا ملابيد=
عيا عليها شيخنا من حديده=
جذعان اخذنا بأملح السيف تمجيد=
ومن نجد اخذنا مثل اهلها بجيده=
نرعاه بأقطاعن عليه العواميد=
فالصيف ولا في مواسم جليده=
وسم الجذع بأرقاب قطم العماريد=
من اليمين وكل يمنن حميده=
نخض به نجد العذيه تراديد =
ونرعى به اصنافن نواته جديده=
وسمن يعرفونه هل السيد والبيد=
قحطان ومطير وقبايل عديده=
في ضف ربعن ينقلون البواريد=
مروين جب مصقلاتن حديده=
وليا تناطحنا بخطو الجراهيد=
اما طرحنا الشيخ ولا جنيده=
من ضرب سيف زريب يقف اكاديد=
راع الحصان اللي فعوله وكيده=
شوخٍ تمجده المفاعيل تمجيد=
ابن رشيد كلمته مع اقعيده=
محمد العبدالله الشيخ وعبيد=
عن شوخنا عدو افعولن عديده=
فعلن يعز الروس كيدٍ لهل الكيد=
لو طالت ايامه جديدن بريده=
وتشهد لنا صم الجبال المحاييد=
وما قال ابن ماعز بحرف القصيده=
واقول عدة العيد يا معيد العيد=
الله علينا في بلدنا يعيــده=

صح لسان شقير الجذع ولا هنت ..

مشكووور على المرور..

العيد يلي ترفع الصوت بالعيد=عانه بنجد الله علينا يعيده
عيدن مع الربع الحشاما الصناديد=وذبح الضحايا والهدوم الجديدة
مهوب عيد مغيرين التقاليد= عبادة الاصنام فوق الجريده

صح السانه مليون وتسلم على النقل الموفق

مشكوور على المرور..

صــــــــــــــح لأســــــــــــــان الجذع

مهوب عيد مغيرين التقاليد
عبادة الاصنام فوق الجريده
هندي وهندوسي يقوسن عساريد


ياسلام ياسلام ومشكور عالقصيده

الله اكبر

صح لسآن العلم ابوجمآل

الف شكر لك عبدالعزيز

محبك

,’

مشاااااالله

مصيبه شقير الجذع


صح لساااانه ولساانك

صحت ابدانكم بالنيابة...


لاهنتوا على المرور...

مبروك عيد المملكة علم تأكيد
الاولى كلمة والاخرى قصيدة
دار الشهامه والشرف والاجاويد
ألي بها سنة محمد جديدة

الله اكبر صح السانه وصح نقلك اخوي الرائع وتسلم ومشكووووووووووووور

مشكووورين على المرور.......