قصيده جاءت من القلب الى المسامع وهي تعبر عن حزن قائلها

هذه القصيده جات من القلب لابن كان والده يضرب به المثل ولكن الامراض وكبر السن اجبرته على السقوط والحاجه للغير فما كان من ابنه الاكبر الا ترجمة مشاعره الحزينه تجاه والده الا بهذه الابيات
التي كل ما قرأتها احسست انها المره الاولى التي اقراها فيها مع العلم اني قرأتها اكثرمن 100 مره
ولن امل من قراءة هذه الابيات التي املأت بالأحزان وفيض المشاعر اتمنى ان تنال على اعجاب متابعي موضوعي هذاوالقصيده قائلها هو (زايد بن جلال العتيبي) :








الله من قلبن تزايدأوجاعه=له مدتن سهران والهم كاويه
كوية مريضن مالقوبه مناعه=زادت معاناته وكثرت شكاويه
سهران لين الصبح بين شعاعه=يطلب رجى ربه عسى الله ينجيه
ذكرت أبو‎(زايد)‎ حسين الطباعه=يفرح ليامن جيت عاني وناصيه
منولن يفرح بشوف الجماعه=واليوم طاح ولحدن يلتفت فيه
عودن على الطالات يوفي بصاعه=ياقل منهو بالمراجل يماشيه
إلياهرج هرجه بفصح وبراعه=ماتعتع بهرجه عسى الله يعافيه
حافظ على دنياه والرب طاعه=والفرض مافاته بوقته يصليه
ماهوب من ناسن كثير الصعاعه=مشوهين الناس بالهرج تشويه
ضارين بالنمه ومعها قطاعه=لاشفت واحدهم كبارن علابيه
دنياه ياخـــذها بصبر و قناعه=ماكثرشماته وضاعت هقاويه
منولن يسكن براس الرفاعه=مشيدن بيتن طوالن قواريه
بيتن على الطالات ترفع رباعه=والعودالأزرق دايرن في نواحيه
مع دلتن صفرا تصلح بساعه=والضيف لا شافه قحص له يحييه
يحط له حيلن بسن الرباعه=والجاريرسل له مراسيل تدعيه
واليوم وسط الدارقل إستماعه=كثرت همومه مالقى من يسليه
مثل الرضيع اللي بسن الرصاعه=لاقفى عن امه قامت امه تناديه
أثرالجمل لاطاح كثرت أسباعه=كثرت عذاريبه وبان الخلل فيه
ياالله يامعبود منك الشفاعه=يارازق المحتاج لارفع يديه
تغفر ذنوب العود ساعة وداعه=لا ودع الدنيا وقفت سوانيه

الله الله..


قصيدة رائعة ...ومحزنة...


صح لسان قايلها وناقلها...

صح لسان الشاعر ولاهنت

/عبد العزيز الجذع\ ,, فهد النفيعي

لاهنتــــــــــوا وعطرتوا الموضوع بردودكم

ودمتم بود

مشكور يالذيب ولا هنت ..

ولا انت يالذيب

مشكوووور على الموضوع

وصح لسان شاعرها

العفو

وصح بدنك اخوووووووي

كامل الذووق

صح لسان الشاعر

والله يرحم الحال وانا اخوك

ولاهنت على النقل المميز

ودمت بكل ود واحترام

ضيف الله

نورت الموضوووووووع بردك

وانت صادق

الله يرحم الحال

مشكور يالكريزي كوم مشاركه قيمه