الشيخ فيحان بن ثمر الرقاص

قصيدة الشيخ فيحان بن ثمر الرقاص الحافي الروقي

قالها وهو في السجن

عندما سجنه ابن جلوي امير الحسا آنذاك وهي قصيدة عصماء

وبقافيه جميلة جداً وصعبه إليكم القصيده :





الا مخون الدنيا تمني وتـرم أسبـاب =تلبس لعاشقها وهي زوجـة ابليسـي
وقد حذرو عنها هل الفقـه والألبـاب=كلت قبلنـا ربـع ٍ عليهـا معاريسـي
ويالابس اللولس وراسك مشط بخضاب=أبحني واناابيحك ترى الرأس قد ..ريسي
رمابي عديم الرأي في ماقع الأنشـاب=وأنا مؤمن بالقدر والستـر تونيسـي
ولا همني الا عبرتـي داخـل الدبـاب=ومن عبرتي بكيـت كـل المحابيسـي
هذا عقب كيف وماوة ٍ تشغب الطـراب=وأنا بين ربعي كاسبيـن النواميسـي
ونركب على قبن نقلهن هذيـل ذيـاب=شخلهن مع التشويـل در المعابيسـي
مقالدهن دقاقات وضهورهـن حضـاب=مناب القطـي ومحقنـات المنافيسـي
ليا غثرب الصايح ولا ذبهـن الركـاب=خطرهن على الناغور والا المضاريسي
عليهن غياهب روق وان حلت الأكراب=ضوارن نهار الضيق جدع الملابيسـي
ونرم العشاء للطير من عيل الأجنـاب=باطاريف شولاً يرتع القفر ما ديسـي
ونشهر بعزوتنا بعد نعرف المضـراب=ويروحن منـا يصقلـن المناسيسـي
وربعن ورانا فارقو شوفـة الأحبـاب=عشاً للنسـور وحزمهـم للمفاليسـي
وننقل من الصلفات ما يشلع الأصواب=غد ً من مقي الريم مثل المحاسيسـي
ويا واهب التوبه على مذنباً مـا تـاب=برحمتك يقلع عن جميـع التدانيسـي
ذنوبه بلوح الحفظ مصطورة ٍ بكتـاب=لو أنه كتبها ما اخذتهـا القراطيسـي

صح لسان الشاعر والله يرحمه

رحم الله شاعرنا العملاق فيحان بن ثمر

الف شكر لك على هذه الرائعه

وياليت تتحفنا بباقي قصائد الشاعر فيحان

محبك

.,

قصيده رائعه يابجاد والله يرحم فيحان

ررحمه الله وغفر الله له ولى جميع المسلمين



رائعه القصيدة

الجذع

طلاع الكريزي

الخيال


شرفتوا الموضوع