الـــصـــبـــر والـــحــــكـــمــــه!!!!!!!

هذه قصيده لشاعر الفذ/عيد بن جابر الجعيد تحكي عن واقع لبعض الأبيات

.....الصبر والحكمه......


يالله يامسقي الشجـاري والادبـاش=بغيثاً مـع الوديـان تـدرج سيولـه
تجعل لنا في سكة الخير مطـراش=والحق بيـن النـاس نقـدر نقولـه
ونعوذ بك من شر مايصنع الـواش=ومن كل نفـس ٍ فالخطايـا جهولـه
وشياً يخلي صاحي الفكـر ينـداش=وهرجاً يجينا طايشاً عـن اصولـه
والله مايرضى الخطأ غير غشـاش=قولو لمـن يشـره علينـا قولولـه
لايفرش البيداء من النـار بفـراش=نـار الفتـن ماتنطفـي بالسهولـه
ولاينقش احداث المشاكـل بمنقـاش=الصـف واحـد ماتجيـه الميولـه
والي حصل بين النواظر والأرماش=غصباً علينـا مارضينـا حصولـه
اقدار منها العبد في صفحته حـاش=لازم يواجههـا وتـبـرك ذلـولـه
من خلقة الدنيا وهي حرب وهواش=وابليس بين الناس يسـرج خيولـه
الصبر والحكمه دواء الجاش لاطاش=فيها يحصل راعـي الـدول دولـه
مهما حصل عيب الرياجيـل تنـاش=يامقيسين الهرج عرضـه وطولـه
قدر النشامـا ماعرضنـاه ببـلاش=عنـه العلـوم الهينـات امعزولـه

صح لسان الشاعر عيد الجعيد

ولاهنت يالسامي

مشاركه قيمه يالسامي الجعيد وصح لسان الشاعر الكبير عيد بن جابر الجعيد وصراحه بيت اعجبني اللي يقول
واللي حصل بين النواظر والارماش----------- غصب علينا مارضينا حصوله

بيض الله وجهك يالسامي

وأنا أعتقد أن القصيدهـ جديدهـ


صح الله اللسان عيد

ولاهنت

الصبر والحكمه دواء الجاش لاطاش
فيها يحصل راعي الدول دوله


صح لسان عيد بن جابر