والشاعر المطنوخ يقلط بعدنا
محمد الشامان الحشيبري05-Dec-2009, 09:57 PM
سلا م عليكم
سلام للشعار تسليم الاسلام =للي يبا المحراف والي شهدنا
كلن يشد الحيل والدرب قدام=والشاعر المطنوخ يقلط بعدنا
فرهودي05-Dec-2009, 09:59 PM
الله الله
سر علاهم لايرقدون هههه
الصف صفك
صح لسانك وصح لسان قبيلك مقدما
محمد الشامان الحشيبري05-Dec-2009, 10:13 PM
فرهودي صح بدنك والصف يزهابك
محمد سعيد القحطاني05-Dec-2009, 10:15 PM
يامرحبا ومعاوض ابموت صدام=كل الحيام اتنش لآمن وردنا
اسهيل يبدي و الجدي دوم بالشام=ماينجهل يالله تحفظ بلدنا
محمد الشامان الحشيبري05-Dec-2009, 10:33 PM
الك البقا يلي ترحب وعزام=وليا زرعنا يالعتيبي حصدنا
باسم الله الرحمن ونحث الاقدام=ماهمنا فالقوم حاسد حسدنا
محمد سعيد القحطاني05-Dec-2009, 10:51 PM
ماني عتيبي و الوعد ركز الاعلام=انا اقحطاني وانت حسبة ولدنا
ارفع عيونك و اكتب ابيض الاقلام=وامسح دموع العين واحفظ وعدنا
محمد سعيد القحطاني05-Dec-2009, 11:12 PM
تصبح على خير
وان شاء الله نكمل غدا
محمد الشامان الحشيبري05-Dec-2009, 11:16 PM
قحطان أهل مده رياجيل وحشام=وحنى هل الميقاف محد(ن)جحدنا
هو راعي الففتين فالجو حوام=لا تحسبن الي هجدكم هجدنا
محمد الشامان الحشيبري05-Dec-2009, 11:22 PM
محمد سعيد القحطاني06-Dec-2009, 09:27 PM
سبحان من سخر مع البدو الانعام=تضوي و تسرح و الله اللي حمدنا
الفعل قدم العين ماني بمنظام=كم واحد(ن) مملوك قبلك فقدنا
محمد الشامان الحشيبري06-Dec-2009, 10:20 PM
ماطاوعوك الكفر عباد الاصنام=يومك تمد الكف وتقول زدنا
راحت ميات سنين والشيخ ماشام=والرايه الخضرا عليها عمدنا
محمد سعيد القحطاني06-Dec-2009, 10:41 PM
قبل سنه شفنا مره تلبس احرام=من خلفها تسعين حاجج وجدنا
ماعاد باقي عندكم دين و اسلام=ياللي مع الغازي نكثتوا عهدنا
محمد الشامان الحشيبري06-Dec-2009, 10:57 PM
قلتو صلاح الدين ضالم وجزام=مسطر التاريخ فالشرق الدنا
كان العرب ياصاحبي راحو أقسام=ياالله دخيلك لا تضيع جهدنا
محمد سعيد القحطاني06-Dec-2009, 11:15 PM
لا فاتك المندي فلا اتفوت الاعظام=لاتهدم الخيمه وتقلع وتدنا
حنا العرب و الا انت تسند على حام=جدك ولا تقعد معي في مهدنا
سررت باللعب معك 000 و شكراً
محمد الشامان الحشيبري06-Dec-2009, 11:22 PM
حياك الله وانا كذالك وبيض الله وجهك
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
