هذه القصيده ولكم الحكم

لقد وصلتني هذه القصيده على الايميل فاحببت ان اشارككم بها

وللاسف لااعرف من قائلها

وقد اعجبتني كثيرلأنها حكم حقيقيه

وهذه القصيده ولكم الحكم







الشعر له فاتل وناقض وفاروق = والسوق له سايم وشاري وبايع
واللي ربح ببضاعته يمدح السوق = والناس تطلب نادرات البضايع
يامدور الطيب تخير على الذوق = واحفظ معك من قول فارس ودايع
لو كان بالارشاد والنصح مسبوق = ذكرى لعل لها ترق السمايع
جواهر معها شذى المسك مرفوق = ومعها التجارب مثبته بالوقايع
واللي لبس من جوهر المرجله طوق = مثلي مجرب والتجارب نفايع
سافرت لي طرقة وطبيت لي سوق = وخاويت في دربي جميع النزايع
والله خلق فالناس ميزات وفروق = الناس شتى بالشيم والطبايع
احد على مبدا وله نظره فوق = واحد كما ثلج على القاع مايع
ولاني وكيل ادم على كل مخلوق = لكن اشوف بخلق ربي نوايع
اشفق على الطيب ولي رفقته شوق = غريب والا من قريب الجمايع
وراع الردى من دونه الباب مغلوق = بيني وبين اهل السفاله قطايع
الطيب واهل الطيب عاشق ومعشوق = والطيب له مبدا وحكم وشرايع
والمرجله وهبه من الرب ووفوق = والدين راس المرجله والطمايع
والرزق من ربي وله فرض وحقوق = ومن يطلب ارزاقه من الخلق ضايع
والاخذ بالاسباب ثابت وموثوق = وتوفيق ربي هو خيار الذرايع
ولاكل مطرود كما قيل ملحوق = قول مبالغ فيه لو كان شايع
ان ماجلبها والي العرش برفوق = كثر المطارد مايحوش النفايع
ومن يحسن النيه مع الناس مرزوق = ومن يتقي ربه دروبه سنايع
والكذب ثوب ما يجمل ومشقوق = ولاينرفي شقه بكثر الرقايع
ومن لايحط اسرار قلبه بصندوق = ويجود المفتاح عن كل صايع
يفتح على نفسه مداخل وخازوق = وقناصه الفرصه تزيد الجلايع
ومن يقرب الانذال لا يامن البوق = النذل خاين ما يصون الودايع
عقرب ثرى والا كما ناب زاروق = لا صادف الغرات للسم زايع
واحذر ترى النمام للشر ناتوق = دايم يقرب للشرار الولايع
من المكارم خارب القصد مسلوق = وعقله لنزغات الشياطين طايع
وترى الردي شمع على الحيط ملزوق = لا اونس حميم الشمس جاك متمايع
احذف ردي المعرفه حذف خملوق = لاتنخدع بالزبرقه واللمايع
عليك بالطيب ليا صرت مزنوق = اللي فعوله كلبوها روايع
يشيل عنك من الصعيبات طاروق = ولا يلحق المنه جميل الصنايع
لامن عن الواجب هبا كل مزلوق = يقوم بالواجب بعيد الرمايع
والشارب اللي ساعه الضيق محلوق = وقت الرخاء ما احد يبي له فزايع
خله ولو شفته على الوجه مصفوق = ولاتستشير مجالسين الربايع
وان كان في صدرك قنا الوقت مزروق = خلك على الشده قوي البتايع
واضرب على الكايد لايلحقك عوق = واطلع سنود وخير ربك طلايع
والشمس لو غابت يجي صبح وشروق = والحق له صيت مع الناس ذايع
يقدم عزيز الساس لو كان مفهوق = وياخذ عظيمات المرجله قلايع
وأبليس اخو مره مربط ومفلوق = وفي كل يوم يزود حر ولقايع
نركي على كبده مراقيع وحروق = وعروق قلبه من وحمنا مزايع
وصلوا على الهادي عدد ما أرمش الموق = وعسى لنا من جود ربي شفايع

القصيده جزله ..يالطير
ومشاركاتك ..كذلك والله..

والقصيده .تنسب ... للشاعر .. فارس العتيبي ..

بعيد المرامع

الاخ بعيد المرامع

الله لايهينك ومشكور على الرد الجميل

ولك كل الشكر على الايضاح

إسمــه فيها " فارس"

اشهد لله إنــه أبدع ..

صح لسانه ولســانك ...

وسلمت يمينك على هذا الإختيار ..


تحياااااتي

ابومشهور


تسلم على الرد الجميل

والله لايهينك

مشكور اخووووووووي الطير على هذه القصيده المتميزه وصح لسان قايلها
وارجو منك ان تثرينا ببعض القصائد التي على شاكلتها
تمنيااااااااااااتي لك بالتوفيق

خله ولو شفته على الوجه مصفوق = ولاتستشير مجالسين الربايع


ايوالله مجالسين الربايع

سلمت يمينك يالطير وصح لسانك انت والشاعر

الاخ النويري

لك كل الشكر والتقدير على الرد الجميل

الاخ فهد الشيباني

الله يسلمك

وصح بدنك يافهد

صح لسان ولسان الشاعر

تسلم اخوي الطير

يعطيك العافيه

الاخ الدهاسي

تسلم وصح بدنك يالغالي

الله يسلم يالطير
ماتجيب الا الجزل

تحيااااااااااااتي

الدلبحي

تسلم الله لايهينك وهذا من حسن ذوقك

بيض الله وجهك ياطير
وهذي قصيده مايبغالها كلام
وهذا دليل على تذوقك للشعر
تقبل تحيات الفالح