نشدت اللي نشر عن خير خلق الله بالتعليق

قصيدة متواضعه
,,
تتكلم عن نفسها
,,
ولاتحتاج مقدّمات


نشدت اللي نشر عن خير خلق الله بالتعليق = علامك كيف تقذف في رسول الله وتفزعنا
علامك ماتعرف انا سلايل عُمْر والصديق = علامك ماتشوف أمجاد الامه في مراجعنا
علامك ماتعرف انا من أوّل مثل ضلع طويق = جميع جيوش كسرى والقياصر ماتزعزعنا
علامك ماتخاف انا من اقصانا عليك نضيق = اكيد انك نسيت ان الشهاده من مطامعنا
وجاوبني ,, كفايه تصنع لتاريخكم تسويق = لو انا مانعرف الفرق كان انّا تراجعنا
كفى يابن الدجيماء مانبا محضر ولا تحقيق = كفاية ,, تدري انك توجع انفسكم وتوجعنا ؟؟؟؟
صحيح انتم هل الماضي ,, حقيقه ماتبي توثيق = لكن الحاضر المشهود زيّنته بدايعنا
انا بنشدك ,, حتى لاتقول اعلومكم تلفيق = فلسطين انشدك كم جالها داخل مراتعنا
من اول سبعه وستين دينٍ يفقد التطبيق = ليا هالحين وانتم ماسعيتم في مصارَعْنا
وبغداد اختها فالليل تِصْرَع والصباح تفيق = تفيق تصيح للأمه وتِرجِعها مدافعنا
لقينا مالنا في حاجه لموعد ولاتنسيق = واخذناهن ولحدٍ فيكم اللي قام نازعنا
على ماضيكم ابكوا مار ماحاصل لكم توفيق = مادام انا ليا منا خطانا محد رادعنا
وبقّوا من دموع الذل ,, بقّوا مايبلّ الريق = ترا قدامكم ماكان تذرف له مدامعنا
عرفت الحين يانشّاد ليش القذف والتعليق = علشان التذلل والخضوع اللي بلا معنا
سكتّ ورحت من عنده ,, وانا كلّي هموم وضيق = اشوق لماضي الامه ,, واعزّي فيه واقعنا


,,

حرّرت في : الأربعاء / 26 / 6 / 1431هـ
,,
إحترااامي

صح لسانك يالدجيماء ،،




مبدع حتى فالنظم ،، عسى فالك التوفيق والنجااح دائما ودوما ،،







إستمتعت بقرائتها وموضوعها ،، والله يعين ويكيد بالظالم ،،




شكرا من الأعماق ،، ومتآبعيـن لك دائما يامبدع

,,

أسير القوافي
,,
الله لايحرمني منك ولامن مرورك العالمي
,,
تأكد الابداع دائمًا مرورك
,,
صح بدنك وشاكر مرورك ومتابعتك الراقية
,,
إحترامي لك ياكنق

,,

صحّ لسانك ، واعتلى شانك ..

وسطّرت الحقيقة المرّة في قصيدتك هذه ( الدرّة ) ـ أيّها الشاعر المبدع ـ .

ووالله ، إنّ القلب ليعتصر ، وأنّ النفس لتنكسر ، وهي تقرأ هذه القصيدة ، ولكن لأنّ ما فيها هو الحقيقة بعينها لا بدّ أن نقبلها ( الحقيقة ) ، ولو كنّا مستائين منها ..!؟

ولكن ما يفرح الصدر ، ويجبر الكسر ، ويرفع النظر أنّ وعد الله حقّ وصدق ؛ (( ولينصرنّ الله مَن ينصره إنّ الله لقويّ عزيز )) .. ولكنّ الخلل فينا فما نصرنا دين ربّنا وشرعه لا في أنفسنا ولا في أرضه ، ومع هذا فالخير في أمّة خير المرسلين ـ عليه الصلاة والسلام ـ باقٍ إلى يوم الدين ؛ فجعلنا الله الكريم ممّن نصر بالقول والفعل ، وأوفى بما عاهد عليه الربّ .
.
.

الدجيماء ، دم عزيزًا ومبدعًا ؛ كما أنت ،،،

" صح لسانك مدد بلا عدد (( نحن قومً أعزنـآ الله بالإسلام فإن ألتمسنا العزة في غيره أذلنا الله )) .. "

,,

عاشق الحقيقة
,,
صح بدنك ولبّى مرورك الغالي
,,
شاكر مداخلتك وتشريفك وكلام سليم 100%
,,
على فكرة !!!!
,,
مرورك ومشاركتك تعني لي الشئ الكثير
,,
فلاتحرمني مرورك الله لايحرمناااك
,,
عاشق الحقيقة .. دم أستاذًا وقدوة نتعلم منه ونقتديبه
,,
إحترااامي

,,

,,

ولد عسآآف
,,
صح بدنك لين ترضى
,,
شاكر مرورك ومشاركتك
,,
إحترااامي

,,

صـــــــــــــــــح لســـــــــانك
ولا فـــــــــض فــــــــــــوك

تذكرت وانا اقرأ قصيدتك قصيدة محمود غنيم التي مطلعها

مالي وللنجم يرعاني وأرعاه........أمسى كلانا يخاف الغمض جفناه

ومن ضمن ماقال :
أنى أتجهت إلى الإسلام في بلد... تجده كالطير مقصوصا جناحاه

,,

فهد رشيد الزلامي
,,
صح بدنك وطول الله عمرك
,,
نعم نعم هذا ماكانت الابيات تنبئ عنه
,,
شاكر مرورك وتشريفك
,,
إحترااامي

,,