الجدي نجمن على طول ثابت مايغيب
براك المهيدلي30-Aug-2010, 06:30 AM
اللي يجي الله يحييه
ياسلام الله سلامن يودي ما يجيب
من هجوس الشاعر اللي يثمن جابته
الجدي نجمن على طول ثابت مايغيب
يوم فيه نجوم ماهيب دايم ثابته
خلف المطيري30-Aug-2010, 06:34 AM
صح السانك يامبدع
ياخوي تعال بكيييييير عشان نلعب معك
الحين مالنا حظ فيك الا ورا العيد
بكره تبدي العشر الاواخر
وكل عام وانت بخير
براك المهيدلي30-Aug-2010, 06:47 AM
صح بدنك ياجبل صايد
ماعندي فرصه غير هالوقت و الله يقبل منا ومنك و كل عام وانت بخير
برررق الحيا30-Aug-2010, 06:55 AM
صح السانك يالشيوخي على هالبدع وصح السان مقابلك مقدما
متتتتتتابعة أينما وجدت الجزالة
براك المهيدلي31-Aug-2010, 07:16 AM
برق الحيا
صح بدنك والله يحييك
لكن انت ماتعلمني ورى محد يرد علي والا القافيه صعبه عليهم؟ :d
علي خيران العتيبي31-Aug-2010, 07:25 AM
الشيوخي صح لسانك
موجود ؟؟ ولا ما لك خلق ؟؟
براك المهيدلي31-Aug-2010, 07:29 AM
علي خيران العتيبي31-Aug-2010, 07:40 AM
الله يخارجنا منك يالذيب .. :)
مرحبا ترحيب دايم يصيب و لا يخيب = صاحبه كل الشواعير لا جا هابته
جبت علمن ما دخل سامعه شكن و ريب = مير حذرا لا تنوشك عواصف كابته
براك المهيدلي31-Aug-2010, 07:54 AM
الله الله واستلم يالذيب
البقا باللي جوابه مثل طعم الحليب
شاعرن عند المواقف ينومس لابته
أحسب ان ذيابة الضلع تقنب لي قنيب
مير اثر ضعلك حصانيه مثل ذيابته
جمال العضياني31-Aug-2010, 08:03 AM
الله الله
الشيوخي شهاتي فيك مجروحه
ومفروض يعطونك وسام النخبه
بي انتظر 7/10 يجيك الفرج!!!:)
خخخخخ
ابن خيران صح لسانك
صميدع.31-Aug-2010, 08:03 AM
أحسب ان ذيابة الضلع تقنب لي قنيب
مير اثر ضعلك حصانيه مثل ذيابته
صح لسانك وأنت ما تظهر غير فالوقت الضايع.. ما تلقى أحد
ابن خيران صح لسانك..
علي خيران العتيبي31-Aug-2010, 08:06 AM
الله الله
العب و جيب السمينه عسى حظك يطيب = و ليت كلن يحسن اقرايته و اكتابته
جاك حرن له من اسمه بمقداره نصيب = و انت لا جيت الجبل ما تهابك دابته
علي خيران العتيبي31-Aug-2010, 08:07 AM
يا مرحبا فيكم جميع
و صحت ابدانكم
و يستاهل الشيوخي الاطراء الي جاه و زود :)
لا هنتو :)
براك المهيدلي31-Aug-2010, 08:49 AM
استلم والمعذره على التاخير
ياعلي خيران يالشاعر الفذ الاديب
غن قافك والعب الطرق مع لعابته
بنت ابو زيد الهلالي عساك الها خطيب
لا يهمك راس ابوها و كبر عصابته
براك المهيدلي31-Aug-2010, 08:59 AM
جمال العضياني
الوسام مزاملة شرواك
صميدع
دائماً الوقت الضائع حلو :)
تحياتي
علي خيران العتيبي31-Aug-2010, 09:03 AM
ما فيه مشاكل يالذيب
من علومك يا عجايب ترى دربك غريب = عدكم ما تمدحه يا عرب شرابته
بنت ابو زيد الهلالي لها غيري طليب = ولا انا لي شجرتن وسط دربك نابته
براك المهيدلي31-Aug-2010, 09:14 AM
عجيب امرك عجيب :)
اقعدي يالبايره لين ياتيك النصيب
ابن خيران اعتقد فيه عين ٍ صابته
بانت الجوزا و وشفت الثريا و الرقيب
مير نجم سهيل دوّخ معه حسابته
براك المهيدلي31-Aug-2010, 09:20 AM
علي خيران العتيبي
شكراً لك على تعبيرك وتقديرك لهذا القاف
الان استميحك عذراً عندي دوام و عندك مسك الختام
تحياتي لك ولمن شارك وتابع
الشيوخي
علي خيران العتيبي31-Aug-2010, 09:27 AM
طيب طيب
جبت لك عطرين ما بين مسك و بين طيب = و الشيوخي يا عرب تو جته عقابته
يا مرحبا يالشيوخي :)
لا هنت
فيحان العطاوي01-Sep-2010, 10:15 AM
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
