مرثية في الشيخ / فياح بن هاجد العضياني ... للشاعر / تركي بن سعد العضياني ...

" بسم الله الرحمن الرحيم "

(( السلام عليكم ورحمة الله وبركاته ))



هذه قصيدة رثاء في الشيخ / فياح بن هاجد العضياني رحمه الله
( كاتب عدل نفي سابقا )

الذي فُجِعْنَا في نبأ وفاته يوم الخميس الموافق : 14/10/1431 هـ ونسأل الله العلي العظيم أن يتغمده بواسع رحمته
وأن يجمعنا به وبمن نحب في جنات النعيـــم ...

إليكم القصيده ::



الليل راح ولا تهنِّيت بمراح=مرحوم ياشيخٍٍ فجعني رحيله
انعزي الهيلا بعد مات فياح=فياح ركنٍ من ركون القبيله
فياح دين وخير يذكر ولو راح=فياح شيَّال الحمول الثقيله
فياح جزل وللجزيلات ذبَّاح=هدَّاج بهَّاج الكبود العليله
له منهجٍ واضح كما الصبح لنباح=وله مواقف والمواقف مهيله
وله مجلسٍ بالعود والمسك فوَّاح=مدهل ومن حدِّه زمانه يجيله
ولا يلتفت في كل واشي ونبَّاح=يشوم عن درب الردى والرذيله
في جنَّة الفردوس ينعم ويرتاح=آمين جعله فالجنان الضليله
والصبر يابندر ترى الصبر مفتاح=لباب الفرج والموت مافيه حيله
وترى السعد قدَّام والشر ينزاح=عقَّب لكم مجدٍ يبي من يشيله
وانتم لها والبيت مبني ولا طاح=وعموده انت اللي يبي يرتكيله
والندَّر الاحرار في كفّك اسلاح=تكاتفو ترى التكاتف فضيله
يقولها اللي لاعذب الشعر ميَّاح=ادلى بدلوه والمصيبه جليله
وختامها ياالله يامجر الارياح=برحمتك ترحم من فجعني رحيله




الشاعر / تركي بن سعد العضياني

الف شكر يالغالي على النقل ما قصرت ..



والله يرحم الشيخ / فياح بن هاجد



تحيتي
..

صح لساااااااااااانه

والله يرحم الفقيد,,

رحم الله الشيخ / فياح بن هاجد رحمة واسعه

وهو بلا شك فقيد القبيلة كلها