ياموت

السلام عليكم

هالقصيده هى رثاااء للفقيد الغالي اخوي
واسأل الله العلي القدير بأن يغفر له ذنبه
ويسكنه جنات الخلد



يا رياح الموت قولي وشبقى فيني بقيه
الظلام اللي اعيشه ماقوا شمعي ينيره
الآلم واقف مكانه والحزن يمي تريه
كني لحزاني مدينه والتعب لضلوعي ديره

انقلب حال الثواني والدقايق ماهي هيه
ترحل وترجع وترحل والامل ماخوذ خيره
يا سعاده من بعد اذنك بهديلك هديه
هي بقايا نور خافت ماقوا دربي تنيره

بس بسأل ليه زولك ماحصل قد لاأح ضيه
وان ماحصل مره وجاني يبدل الشوق بحريره
يا قصايد جيت قاصد جيت الاخ لخويه
طالب الفزعة لعذابي والطريق اللي اسيره

جيت يا نزف القوافي والسبب هم وبليه
جيت ابرثي شيخ داره اللي فارقني نظيره
ياقصيدي راح عني عزوتي وضاقت عليه
راح اخوي وغاب زوله ياعسى ربي يجيره

راح ساجد راح عابد ماعرف معنى الرديه
راح والفرقا خناجر في وسط صدري دثيره
ياعذاب الكون شكر(ن) تستحق مني التحيه
انت اخذت اللي غيابه غيب رجال(ن) كثيره

ياتراب القاع تكفى..تكفى حققلي الرجيه
ارفق بحاله وتهدى واجعل ايامه يسيره
ضعت انا ياخوي بعدك حسبي خلاق البريه
هو خذاك وضاع عمري واصبحت روحي كسيره

كل شي ياخوي بعدك ناره لغيابك لضيه
تحرق اركان الشوارع اللي لعيونك فقيره
منهو مثلك داس تعبه واتقن الونه الخفيه
من شموخه قال يخسى المرض يعلن قريره

قالها ربي بكتابه للي تلاقيهم بليه
قال بلوى ومن صبرها يجعل ايامه طهيره
مرت ايام واقفت والتعب منك تطيه
انحنى وقبل يمينك وانسحب واعلن نفيره

الوعد ياخوي جنه هذة للصابر جزيه
وانت امرك بيد ربك صاحب الرحله الاخيره
العذر ياخوي بختم التعابير الرثيه
واطلب العالي واناجي جنت الخلد القريره

وسلامتكم

ولاهان ناظركم

شكرا على النقل الجميل

العفو اخوي الغالي

وانا نقلت قصيدتي

من المنتدى اللي شفت فيها هالقصيده
الى هالمنتدى
العزيز

ولاهنت على المرور


تقبل تحيتي يالغالي