ياذكريات الامس؛؛؛

بسم الله الرحمن الرحيم


يا ذكريات الامس يـا حاضـر اليـوم

يـا اول بدايـات الشـقـآ والكـآبـه

يامن غدآ ذكـرك معـي دايـم الـدوم

اصـد والقـاك الـسـؤال وجـوابـه

محروم من وصلـك ولانيـب محـروم

من طيفك اللـي كـل عـرق انتشابـه

اللي حـرم جفنـي طعـم لـذّة النـوم

شـيٍ لـك الله ماحسبـنـا حسـابـه

انا ادري ان اللي حصل شـي مقسـوم

لكّـن قلبـي وش يخـفـف عـذابـه

وآه ياقلبي ياللي من عنآ البعد محكـوم

حكمٍ رضابه غصب لـو مـا رضابـه

دمعة عيون ،، وعضّة ابهام ،، واهموم

وضيقة صدر ،، وافكار حزن ،، وغرابه

كلـه سبـب فرقـاك ياباشـة الـروم

يـا عـف وانقـآ مـن طهورالجنابـه

من بعدكم والحـال مبـري ومسقـوم

والضحـك قفّـا والعنـآ فـك بـابـه

تقفي بك حلـومٍ وتقبـل بـك احلـوم

واقـول ماجابـه لـي الحلـم جـابـه

اغفي على ضحك امس واجيك معـزوم

واتخيّلـك فـي بسمتـك والرحـابـه

وافـزّ فـزّة شيـخ قـومٍ نطـح قـوم

والقـاك طيـفٍ جـا ينقّـض صوابـه

و سلااااااامتكم

...
..
لاهنت وصح لسانك
...

يعطيك العافيه..

اشكرك من كل قلبي

وشكل القصيده مو واضحه بس ابشر بعزك انشاء الله سوف

اعيد صياغتها وانثرها اليكم وشكرا مرة اخرى

اخوك الصغير/ المخلدي؟؟

صح لسااااااانك