يا سلام الله سلام الشاعر الشهراني !!!

السلام عليكم جميعا


و مساااكم الله بالخير


الحاااضر الله يحييه



يا سلام الله سلام الشاعر الشهراني=شاعرٍ مبداه بالمعنى مع التسليمه
كنت أعدّ أهل الفجيره من عداد اخواني=لين شفت أهل الفجيره تدبل التنعيمه

تدبل التنعيمه



الله الله


صح اللسانك يا الشهراني




وننتظر قبيلك وصح لسانه

وعليكم السلام والرحمة
ومسااااك الله بالنور..

استلم يابو محمد

ياهلا يامرحبا بالشاعر البطراني=يبدع القيفان ماكنه يقول كليمه !!
لاتضيق الا من العجرا على الحجاني=بعدها ماكل طقة ، طقة وتعليمة!!

صح اللسانك يا سعد وننتظر



علي

مرحبا ياعبدالكريم وصح بدنك ..

..

.

علي الشهراني الف صح لسانكــ

..

ابو مطر فوق كل اشاده ..

واصلوا
....

حياك الله يا سعد


و الحظ الطيب اللي جااااااابك



البقا بك يا سعد يا شاعر العتباني=وانت خابر كيف صوت الرعْد وسط الغيمه
فيك من هرجك ثلاثٍ تضبط الميزاني=غير هرج العام الاول ما نبي تقديمه

هلا و غلا يا عبد الكريم


و الله يحييك و صح بدنك


مشكووووور على مرووووووووورك

ابو حمدااان


مرحبا بك و الله يحييك


و الف الف صح بدنك

ابقاك الله وحياك
انا المستفيد :)




والله إنا خابرينك جمجمة ولساني=لوقطعت الك اللسان ارويسك بلاقيمة
العتب ياصاحبي مايلحق السرحاني=مالقا البارود قدمة مالقا الا غنيمه !!

..

.

علي الشهراني الف صح لسانكــ

..

ابو مطر فوق كل اشاده ..

واصلوا
....

اررررررررررررررحب يابو حمداااان وصح بدنك
نورت المتصفح

احسب انّك تطرد الجهّال و العدواني=و أثرك اللي من غباه يحطهم فالخيمه
العتب فالدله اللي بنها خولاني=كيف تتركها و تشرب شاهي التلقيمه

الله الله

علي الشهراني

صح اللسانك يا مبــدع ,, لله دررك


وصح اللسانك ياســعد العصيمي

هجــومي الله يكفينا شرك:)

متــابعين بإحضار الاسعافات الاوليه :)

الله الله
صحت السنتكم يامبدعين

وسجلوني متابع

حياااك الله يا زياااد


و صح بدنك


و مشكووور على مروورك


و سعد الله يكفينا شره

حياك الله يا بو فهد


و مشكووور على متاابعتك

الله الله :)

.
.


لاتزرا في وانته جاك شيٍ جاني=ياصبي شهران مدري قنبلة هورشيمة
كيف راسي كيف راس ابوية وجداني=مار لاتهرج معي يالين تركب ريمة!!

طيب طيب يا بو مطر




تنزل و تطلع و عينك تسبر السلطاني=تحسبنّي ما عرفتك من ورا التغييمه
و الله و نعمٍ بكم من ماضي الازماني=لكن السيل العرمرم ما قفته الديمه

ههههههههه
هلا وغلا يازياد
صح بدنك والاسعافات لابد منها مع هالمجرم ..

كل مايهوي نجم يهوي عليك الثاني=في بلاد ابليس والا في بلاد الشيمة
يالوكور اللي علاها الحر والشاهاني=كم طير مات من زايد غثاه وضيمه

صح بدنك يابو فهد ومتابعتك محل فخر ..

صحت الالسن .....


متااابع

حياك الله يافهد وصح بدنك ..

لك ثلاث شهور بين المغرب و لبناني=سايحٍ رحّال و أهل الموجبات امقيمه
كان تبغى الشور و أهل الشور ما تعصاني=لا تحلل شئ و انته خابرٍ تحريمه

حياك الله يا فهد


و صح بدنك


و مشكوور على مروورك و متااابعتك

ماتفيدك لو تنفذ خطة الشيطاني=طق في صلب الحديد ولاتفك لحيمة
كان تبغانا نهدلك اكبر الضلعاني=استرح وعزومنا تكفي عن التلغيمه

صح لساااااااااااانك يابو محمد
يعلم الله اني استمعت ويكفينا شوفت اسمك :)

يا سعد لو نقلب اسمك شاهدي الايراني=تزعل اصحابك عليك و تخرب التقسيمه
خانم العبريه اللي ساقها النصراني=انجبت بنتٍ هواها الزيت و التشحيمه

سبق السيف العذل يا بو مطر


لو اني ادري انك ختمتها كان ما نزلت ردي


صح بدنك و بيض الله وجهك


و الحظ المبروووك اللي جااابك


الى لقاء قريب دمت في رعاية الله

خانم العبريه اللي ساقهـا النصرانـي
انجبت بنتٍ هواها الزيت و التشحيمـه

خانم العبريه اللي ساقهـا النصرانـي
انجبت بنتٍ هواها الزيت و التشحيمـه

الله الله على هالبيت


مازعلنا لو تجيب من العلوم جناني=صاحبن غالي وهذا موعد التنسيمة

وتصبحون على خير

بيض الله وجيه الشعار

فالكم العلم الزين

علي الشهراني


سعد العصيمي



صحت السنتكم جميع


تحيتي

علي الشهراني

يا سلام الله سلام الشاعر الشهراني=شاعرٍ مبداه بالمعنى مع التسليمه
كنت أعدّ أهل الفجيره من عداد اخواني=لين شفت أهل الفجيره تدبل التنعيمه



سعد العصيمي

ياهلا يامرحبا بالشاعر البطراني=يبدع القيفان ماكنه يقول كليمه !!
لاتضيق الا من العجرا على الحجاني=بعدها ماكل طقة ، طقة وتعليمة!!




علي الشهراني

البقا بك يا سعد يا شاعر العتباني=وانت خابر كيف صوت الرعْد وسط الغيمه
فيك من هرجك ثلاثٍ تضبط الميزاني=غير هرج العام الاول ما نبي تقديمه


سعد العصيمي

والله إنا خابرينك جمجمة ولساني=لوقطعت الك اللسان ارويسك بلاقيمة
العتب ياصاحبي مايلحق السرحاني=مالقا البارود قدمة مالقا الا غنيمه !!


علي الشهراني

احسب انّك تطرد الجهّال و العدواني=و أثرك اللي من غباه يحطهم فالخيمه
العتب فالدله اللي بنها خولاني=كيف تتركها و تشرب شاهي التلقيمه



سعد العصيمي

لاتزرا في وانته جاك شيٍ جاني=ياصبي شهران مدري قنبلة هورشيمة
كيف راسي كيف راس ابوية وجداني=مار لاتهرج معي يالين تركب ريمة!!



علي الشهراني

تنزل و تطلع و عينك تسبر السلطاني=تحسبنّي ما عرفتك من ورا التغييمه
و الله و نعمٍ بكم من ماضي الازماني=لكن السيل العرمرم ما قفته الديمه



سعد العصيمي

كل مايهوي نجم يهوي عليك الثاني=في بلاد ابليس والا في بلاد الشيمة
يالوكور اللي علاها الحر والشاهاني=كم طير مات من زايد غثاه وضيمه


علي الشهراني

لك ثلاث شهور بين المغرب و لبناني=سايحٍ رحّال و أهل الموجبات امقيمه
كان تبغى الشور و أهل الشور ما تعصاني=لا تحلل شئ و انته خابرٍ تحريمه


سعد العصيمي

ماتفيدك لو تنفذ خطة الشيطاني=طق في صلب الحديد ولاتفك لحيمة
كان تبغانا نهدلك اكبر الضلعاني=استرح وعزومنا تكفي عن التلغيمه



علي الشهراني

يا سعد لو نقلب اسمك شاهدي الايراني=تزعل اصحابك عليك و تخرب التقسيمه
خانم العبريه اللي ساقها النصراني=انجبت بنتٍ هواها الزيت و التشحيمه


سعد العصيمي

مازعلنا لو تجيب من العلوم جناني=صاحبن غالي وهذا موعد التنسيمة

الله الله


العصيمي سعد والشهراني علي



صحة الالسن



استمتعنا بالطاروق الرائع