ياللي تبي قدرٍ رفيع ومهابه ,

لا ينال الطيـب فـى أول شبابـه = ما ظن يظفر به ليا عارضـه شـاب

ومن لا يُميز فـي خُطـاه وصوابـه = لو صاب مره عشر مرات ما صـاب

ومن لا على جسمـه يفصـل ثيابـه = والله ليوضع فوق ضرس وتحت ناب

ومن لا يعرف القيـظ يتبـع سرابـه = ويصبر على لفح السمايم والاتعـاب

ومن طق بيبان العـرب طـق بابـه = ولا ضاع حق ومن ورى الحق طلاب

والسيف قـوة سلتـه مـن نصابـه = ولا خير في سيفٍ يجرب في الاقراب

ياللـي تبـي قـدرٍ رفيـع ومهابـه = أبعد عن الشباك وادخل مـع البـاب

وحاذور من جحر الخبـاره ودابـه = ترى الوقايه خير من كـل الاطبـاب

ولا تعتـرض لـك عيـةٍ تبتـلى بـه = دامك مُعافـى لا تعـرض للاسبـاب

ولا تـارد إلا اللـي عـذيٍ شرابـه = عد الوبا ما يشربه كـود مـن خـاب

والجار لو عـن داره ابطـا غيابـه = خلك وصيـه لا تخونـه اليـا غـاب

والضيف رحب بـه وكـرم جنابـه = وقدم له الميسور من كـل ما طـاب

وتبشر بقول ونعم فـي كـل جابـه =ويزداد قدرك بين ربعك والاجنـاب



مِن كلمات الشاعر : ضاوي بن عايض العصيمي ,

,,

لاهنت يالغالي .


,,,,,

محمد الذيابي ,

كُل الشُكر لكَ . على هذا المُرور والإطلاع ,

ولكَ أعذب التحايا ,