سلام

اي شاعر يبغا يلعب يحضر هنا

عتيبه لها فالشعر كلمه ووقفات = لكن السنين التاليه ماعليها
بعد موت مطلق واختلاف الريالات=يجيبون حاجه ماحدن يشتهيها

ولايالتميمي لو طلبناكم اثبات=سواتك ياعبدالله يبايروح فيها
لياغاب نجم ابه نجومٍ مطلات=وربعك ماشفنا اللي يبي يحتميها

ابقاك الله

فانتظارك

انا من مضر قوم الفخر والحضارات = مانبلش مع ناس ماتملك يديها
ماشفنا نجومك فالسما والمجرات =يامقعد ترا كلمتك عوجه مابيها

انا من مضر قوم الفخر والحضارات = مانبلش مع ناس ماتملك يديها
ماشفنا نجومك فالسما والمجرات =يامقعد ترا كلمتك عوجه مابيها

هههههههههههههههه يابين الاسلوب



ترا من يضيع بصله يقول بالذات=تميمي وهذي كلمةٍ تحتريها
على وجهك المشبوه سبع العلامات=وحنا رجالٍ ماحدن يعتليها

كيف مافهمت


بعد ماتوهق حط له سبع لفات = يبا يستر احواله وجود حديها
عيال البدو ياطيبهم فالدعايات = لكن الصحيح ايروح مني واليها

اخي مقعد عسا ماباس
طولت علي

هذا والله المصامخ القيالي

صحت السنتكم

صح بدنك اخي علي الثبيتي
انا جيت اتعلم يادوب بادي في فن الرد
المره الجايه راح اطلبك للفايده

سلامات مما حدث لك سلاامات=سوات اصفرالعرقوب مانشتويها
تدرق تدرق فالجبال المنيفات=وشرواك ماعرف وش لها وش عليها

اخي مقعد عسا ماباس
طولت علي

آآسف ياعبدالله طولت عليك والسبب من الاتصال

النهايه من عندك كان بغيت

وتشرفت باللعب معك وانت شاعر مايحتاج

لاتقول اتعلم هههههههههههههه

حياك الله اخي مقعد

والسعد بقبال

ان شالله