قم يا نديبي على الي وان مشى ساعه

قم يانديبي على الي وان مشى ساعه=ميتين كيلو مع التوفيق يقطعها
[فكس ار] [والفين] واليابان صناعه= والأوله من طباق الأرض ينزعها
عليه قرم[ن]ما،يحسب بعد مرماعه=تحت الطلب والوداعه مع مودعها
حددت اله كنب تسعه فيه مهزاعه= ويلقا رجال[ن] على وقفة منابعها
وانشد عن الماجد الماجد وش أوضاعه=عساه في خير سالم من فواجعها
وقل له ترى الناس فزاعه وفراعه=وآمال صاحبك تكفى لا تضيعها
والوضع منكوب هذي تكفي اسماعه=حيثه مجرب لها يعرف ملاوعها
وا قلبي الي بصدري راحت امزاعه=امزاع ريش الحبارى يوم يمزعها
حر[ن] وطرع العشاء دايم من اطباعه=ومدربه واحد[ن] يعرف طبايعها
وهني من نام يوم الناس هجاعه=ريح عيونه ولا سيل مدامعها
وأن قال فيا عرب؟؟؟يعني من أنجاعه=قله يابو زيد تعرفها وسنعها
الجادل الي دخلني عقبها راعه=الزين هواشها والزين فارعها
الجادل الي لحبل الوصل قطاعه=ياخوك قلبي طماعه من طمايعها
هذي وصاتي وهذي سبة الضاعه=اسباب ضاعه وضاعة من مضيعها
وشكي لبن روق دامه يفعل ذراعه=وبا احتري رد من يقدر يطوعها

منصور بن جدعان الزيادي

سلام عليكم

صــــــــــــــــــح لســــــــــــــانك مـــــــــــلايين

لاهنت
لاهنت
لاهنت
يا ابن جدعـــــــــان
جزله من راس جزل

صح لسانك وتسلم والله

المفرجي شكراً شكراً [حق وواجب]