يابوي مابي غيرك يغسل جثتي بالمي (قصيدة مؤثرة جداا)

قصيدة مؤثرة اعجبتني...فنقلتها لكم


::

::

يا بوي ليه تبكي كل ما شفتك وعينـك لـي

تخاف أموت يا بوي ... وقبل الموت تبكيني

كفا يا بوي لا تبكي وأنا موجود معك وحـي

أجل بعد الرحيل أشلون في قبري توطينـي

ابوي لو تموت الناس ما تسوى دموعـك ذي

وأنا يا بوي ميت قبل أموت وأنـت محيينـي

قسم بالله يا بوي لجل عينك شربـت الغـي

جرعت الهم والحرمان وبحر الويل يسقينـي

تحملت السنين اللي طوتني في عذابي طـي

وصار الجمر بكفوفي .. وتحت أقدام رجليني

يا بوي ما على عمري حسافه ولا بقا بي شي

ولكـن بطلبـك يا بـوي تكفـا لا تخلينـي

يا بوي ما بي غيرك يغسـل جثتـي بالمـي

وتكفا قبل لا أتكفن .. يا بوي فكلـي عينـي

بأمر الله يمكن ألمحك وأرحل في عيني ضي

وودع وجهك الطاهر مع دنيـاي وسنينـي

وخل الناس تحملني وترفع راسي ورجلـي

وتاخذني على قبري وتكسب أجرهـا فينـي

واذا جيت القبر يا بوي نزلني شوي شـوي

ووجهنـي لبيـت الله .. وقبلـه المصلينـي

وحط الطين وأدفني وعز اللي يعـزي فـي

ثلاث أيام يا بـوي .. يواسـوك المعزينـي

ورابع يوم يا بوي تذكر .. ضحكتي وعني

تذكر وش كنت أقول يـوم أنـك تنادينـي

تذكر يوم كنت أنام في ظل النخـل والفـي

تجي يمي تصب الما..على وجهي وتصحيني

تذكر جرة الموال وصوت في حبالـه كـي

تذكر يوم أغني لك قصيدي وانت توحينـي

تذكر ضحكتك لا قلتلك يا بوي عشقي هـي

تذكر كم قصيدة خافيه مـا بينـك وبينـي

تذكر كل شي كان وأذكر يـوم انـا حـي

ولكـن أسالـك بالله يا بـوي لا تبكيـنـي
::

::

::
اتمنى ان تنال على اعجابكم









الله يحفظك ياوالدي ويحفظك ياوالدتي ويبارك في عمركم ويجعل يومي قبل يومكم

مشكو علي القصيده ولاكن في ملاحضه
البيت الي قبل الاخير
تذكر كل شئ كان واذكر يوم جابر حي وليست يوم انا حي
وسامجني علي القافه والقصيده لشاعر الروقي جابر الهايف

الاخ عبد الرحمن الهيلووووووووووم


يعطيك الله العافيه على طرحك الرائع


وتقبل تحياتي

مشكورين علي المررروريالغالين

صح السان الشاعر

والف شكر لك يابو داحم

وتقبل تحياتي

مشكورين علي المررروريالغالين

مشكور وماقصرت

مشكورين علي المررروريالغالين

قصيدة مؤثرة فعلا

وشكرا لنقلك اخي الفاضل

تقبل مروري

مشكورين علي المررروريالغالين