سلطان الجذع مطلوب
المعتصم بالله01-Apr-2008, 05:32 PM
السلام عليكم ورحمة الله وبركاته يا شاعرنا المحتر سلطان الجذع استلم:
يقولون سلطان الجذع اصبح اسطوره=وأنا اقول سلطان الجذع اكبر اشويه
ومن زود حبي له ابا آخذ معه صوره= عساه يتكرم ويتقدم بحنيه
ماله امان01-Apr-2008, 06:00 PM
المعتصم بالله صح لسانك00 ولكن راجع صدر بيتك الثاني00
هذا من باب التذكير يالغالي،،،،،
وتراني في صفك بانتظار الجذع0000
المعتصم بالله01-Apr-2008, 06:09 PM
الصدر الثاني كذا : ومن زود حبي له ابا آخذ معه صوره
والواو نسيتها ومشكووور يا ماله امان
ومتابعتك تسرني
عبدالله الجـــذع01-Apr-2008, 06:21 PM
الله اكبر الله اكبر..
بدعه رائعه يالمعتصم كما هي العاده..
وفي انتظار الأسطوره ..
متابع لكم..,
المعتصم بالله01-Apr-2008, 06:26 PM
عبدالله الجذع
الله يحييك بس الليله تراك معي
ومتابعتك تسعدني يا الغالي
قادح شرار01-Apr-2008, 07:28 PM
المعتصم : صح لسانك يا مبدع , بداية رهيبة , وحلوة الصورة التذكارية .
الأسطورة : صح لسانك مقدما ً .
أنا في صف صديقي سلطان :)
ولا يهون صفك يالمعتصم .
المعتصم بالله01-Apr-2008, 07:42 PM
قادح شرار
تسلم يا الذيب.. يستاهل سلطان ناخذ معه صوره .
وما فيه مشكل خلك مع صديقك . والدور جايك ههههه
تحيااااااااااتي
راع العلطا01-Apr-2008, 08:06 PM
السلام عليكم ورحمة الله وبركاته يا شاعرنا المحتر سلطان الجذع استلم:
يقولون سلطان الجذع اصبح اسطوره=وأنا اقول سلطان الجذع اكبر اشويه
ومن زود حبي له ابا آخذ معه صوره= عساه يتكرم ويتقدم بحنيه
صح لسانك ملايين
وسجلني بصفكــ ضــد الـــمدعو: سلطان:)
وصح لسانه مقدماً,,
ماله امان01-Apr-2008, 11:21 PM
المعتصم مشكور على الطاروق الجزل 00
ويا الله تجيب الجذع،،،،،،
المعتصم بالله02-Apr-2008, 01:13 PM
راع العلطا صح بدنك
والصف يتشرف بوجودك
المعتصم بالله02-Apr-2008, 01:15 PM
ماله امان
مشكور طال عمرك للمره الثانيه
وحياك الله
سلطان الجـذع03-Apr-2008, 05:12 PM
المعتصم بالله ..عذراُ على التاخير
عزيز وغالي ويشرفني طلبك لي بالاسم
انت معزتك مفروغ منها:)
انا أعرف وجيه الخير بالخير مذكوره =وللطيب فالطيّب دلاله وماريه
ليا شفت وضع الرجل دوره ومقدوره= أبا افزع معه واهديه بشتٍ حساويه
المعتصم بالله03-Apr-2008, 07:42 PM
حياك يا الاسطوره وابرك الساعات حضورك وانا كانت عندي مشكله فالنت
وانحلت استلم
انا طالبٍ سلطان لا يفقد شعوره=ابا آخذ معه فاللعب مزحه وجديه
يا سلطان انا يا خوك من ناس مشهوره=وجسمي انا كاسيه من كدة يديه
سلطان الجـذع03-Apr-2008, 09:39 PM
ترى ماش شئ يطلع الرجل عن طوره =الاوضاع وانا أخوك سهله وعاديه
لكن الامر لازال في يدين اخو نوره =الاوطان محكومه والاحكام شرعيه
المعتصم بالله03-Apr-2008, 09:50 PM
يبين القمر ويشوف سلطان من نوره=ولولا القمر سلطان فادناة دوريه
تركد تراك اصبحت من ناس مغروره=وصحيح الوطن محمي واله ناسه الحيه
سلطان الجـذع03-Apr-2008, 10:06 PM
سلامتك ...لو الوقت ماطارت طيوره =عليك الزلامي موصيٍ فيصل العيه
يابعد الحفر بعداه عن راس تنوره =خطاء كلمتك لاهنت (90%)تسعين فالميه
المعتصم بالله03-Apr-2008, 10:32 PM
علامك قلبت الوضع والناس مخبوره=ورجال الوفا الهم سلامات وتحيه
قريت الكتاب وبينت خافي سطوره=وحسبتك يا الغالي دلاله.... ووهميه
سلطان الجـذع03-Apr-2008, 11:00 PM
تدور العلوم وخذ مع علومنا دوره =وانا ابا انشدك يالمعتصم صافي النيه
من اللي ورث عن مطلق ثبيت باكوره؟؟؟؟ =بقى مع نزول الضلع والا الحداريه
سلطان الجـذع03-Apr-2008, 11:14 PM
المعتصم لله دركـ من شاعر
صح لسانكـ ملايين
والى اللقاء في حلقات قادمه
الختام من عندكـ يالغالي
المعتصم بالله03-Apr-2008, 11:20 PM
ترى المعتصم بالطيب وافيةٍ شبوره=واثر صاحبي سلطان اله نيه ملويه
سؤالك جوابه خل الاوضاع مستوره=وتموت الرجال وصفحة العز مقريه
المعتصم بالله03-Apr-2008, 11:23 PM
سلطان الجذع شهادة مني من ضمن شهادات الاخوان انك اسطورة
ويشرفني اللعب معك وشرواك
وتقبل احتراااااامي
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
