ترا الشرهه على الصاحي لاسلم دقنه المجنون(السلمي والسمي)

محاورة جرت بين الشاعرين حمود السمي ونامي السلمي


حمود السمي

سلامي كثر ماترسل رسايل شاعر المليون=من حدود السعوديه ومن برا السعوديه
ترا الشرهه على الصاحي لاسلم دقنه المجنون=وفي لحظة من اللحظات راح الصاحي اضحيهنامي السلمي


هلا يامرحبا ياشاعرن ترسل على المضمون=عسا ربي يعز الحكم والهيبات محميه
تقوله واكثر العربان لاداين ولامديون=لكن ان طعت نامي لاتسلمها الحراميه
حمود السمي


يانامي تنمو الاشجار حتى شجرة الزيتون=وكلن يحصد اللي يزرعه والنيه النيه
ورا مارحت مثل اللي يروحون لقطر ويجون=ولاتتعب من الروحه ولاتتعب من الجيه

نامي السلمي


والا ياحمود وشبك جيت يمي ماسح الطبلون=عليك الهون لاتقلبك سرعتك الجنونيه
انا شاعر ولي مبدا وادرج خطوتي بالهون=كسبت الاوله ماهمني هاذي ولاذيه

حمود السمي


انا ماخطي ولاارضى بالخطا واللي يكون يكون=وفالاحوال نعرف حالة الطقس الطبيعيه
سليم الله يسلمهم يحطون الظهور بطون=وحنا مانقلب فالعلوم القلبانيه

نامي السلمي


مادام انك خبيرن فالطقوس ومخفي المكنون=سمعنا ان الطقوس بديرتك ماهي طبيعيه
سليم الله يبارك فيك قوم وتعرف القانون=لكن ان كان ماتدري تنشد فيصل العيه

حمود السمي


يانامي لو عطاك الله كثر اللي عطا قارون=تصدقه صدقه والا محلات التجاريه
انا ماقول فيكم باس مير الناس مايدرون=لاصارت معركه والقوم خياله ورجليه

نامي السلمي


انا والحمد لله مغتني ياحمود لاتطرون= ليا دورتني تبشر بحسنه تدفع السيه

حمود السمي

ترا الشرهه على الصاحي لاسلم دقنه المجنون
وفي لحظـة مـن اللحظـات راح الصاحـي اضحيـه


ياسلام عليك

ياحمود السمي

مبدع.

نامي السلمي

تقـولـه واكـثــر الـعـربـان لادايـــن ولامـديــون
لكـن ان طعـت نامـي لاتسلمـهـا الحرامـيـه




لاهنت يالذيب الاشقر


على النقل

محاورة جميلة.

محاوره رائعه


وشعراء مبدعين


وشكرا يالذيب على النقل

شكرا يا الذيب الاشقر على النقل

محاوره رائعه ابدع فيها الشاعران