طاروق عنيف بين ملفي وبن دواس !!!

خليف دواس


تحضرو ياعتيبه للبعـث والنشـور=واصحو بعد موتكم من بعثكم للحياه
قومٍ فسطح الثرى تبكيكم اهل القبور=ميتكم الحي ميتكـم يصلـي عـلاه



ملفي المورقي


حنا ترانا بخير ولا علينـا قصـور=الحمد لله في نعمه وخيـر وغنـاه
خليف مسموح لو انه يلف ويـدور=ما ينوخذ شايبٍ ثالث رجوله عصاه


خليف بن دواس



العام جبتو لنا درزن بنيـات حـور=حمّل عذارى عوانس ماعليهن زكاه
انزل ديار الحياء وجني جديد الزهور =عين الفقر ناظره في باب بيت الغناه

ملفي المورقي



نهدي لك اللي مضاربها تفج النحور=هذاه قسمك ومن دور لشـيٍ لقـاه
حنا ترانا يابو طارق نعرف الامور =اللي يقدم كراب الكف يعطى مـلاه


خليف بن دواس




بس القنابل تفاجر والبنادق تثـور= ماكنها الا حصاهٍ نازيه عن صفـاه
امحنيات الركب ماني عليها صبور =نعط الولاء للولي وانته عليك القراه

ملفي المورقي



اسبح وحنا نحول مظلمات البحور= ياما سبحنا محيطٍ يغرق السفن ماه
ياخليف ياخليف داور عملةٍ ماتبور =اخير من كلم’ تزعل هذاك وهذاه


خليف بن دواس


قبلك سليمان بن داؤود يتلا الزبـور= يسجد له الطير وهوه عالين في سماه
العام الاول مشره في سنام الجـزور=واليوم ليتك تمرق من مرقت الدبـاه

ملفي المورقي



اعرف سليمان يعرف وش تقول الطيور= حتى إن هدهد سبأ نبـأ وفسـر نبـاه
العز ياخليف قسمي من قديم العصـور=يوم إن بعض الاوادم مايحصل عشـاه


خليف بن دواس



وان كان تبغى العشاء لمبرقعات الطيور=يبقى على برقعـه ولا تكشـف غطـاه
الماء على حالته طاهر ونجس وطهور=والصالح الصالح اللي معتبر للصـلاه

اعرف سليمان يعرف وش تقول الطيور
حتى إن هدهد سبأ نبـأ وفسـر نبـاه
العز ياخليف قسمي من قديم العصـور
يوم إن بعض الاوادم مايحصل عشـاه



الله الله الله

صح لسان ابو وافي .. ماينطق الا ذهب

وصح لسان خليف ..


وتسلم يداك ياوحي العقل على المحاوره الرائعه ..

تحيتي
...

طاروق غامض جدا وخليف شاعر صلب وابياته تركيبها عجيب لكن ابدع ابو وافي

لاهنت يا وحي العقل ومن طول الغيبات جاب الغنايم

ابداع من شاعرين عمالقة .

تحياتي .

لاهنتوا على المرور :)

اهب ياخليف والله انه خطير

بيض الله وجهك ياخونا وحي العقل

خليف ابن دواس من اعنف شعراء مطير


وانا اشوف محاورته مع ملفي معتدله


لاني اعرف عنه العنف وعدم المجامله


ذكرة له بيت يلاعب فيه احد شعراء مطير




مرحبا في حفلة اعقب واخس واقطع لاتكلم=وامل فمك من التراب وبخ في لحية عطالله


وابو وافى وفا ولاقصر

خليف مسموح لو انه يلف ويدور
ما ينوخذ شايبٍ ثالث رجوله عصاه


الله الله يابو وافي شااعر خطيير .. وايضا خليف ماعليه قصوور ,, صحت السنة الشعار ولا هنت يا وحي العقل على

هذا الطاروق الاكثر من رووووعه ..

اخووك ابن حديّد التميمي ..