العمدة فتوة الحي ... للفائدة فقط
الساطور16-Jul-2009, 12:52 AM
السلام عليكم
سلام رديه نقيه للرجال اهل الوجوب=فيها الكلام المعتبر والرجل بيّن منطقه
العمده مسوي فتوة حي منفوخ الذروب =مايجهل ان ادواه عبرود ٍ مسنن وفشقه
رعد الروقي16-Jul-2009, 01:16 AM
عليكم السلام
يا مرحبا ترحيبةً تضفى على كل الشعـــــوب=للعالم المستغـــــــربه والعالم المستشـــــــرقه
الليل ساري والغصون اللي تميل مع الهبوب=ما يحتريها الا مغبــــات البحور المغرقه
ابو لمار16-Jul-2009, 01:20 AM
الله الله الله
بداية طاروق نار وبنزين
وجبت المتابعه
الساطور
عمدة الهيلا
صحت السنتكم وقلوبكم
واصلواااا
معجب العتيبي16-Jul-2009, 01:24 AM
ياسلام عليك يالعمده
مبدع
صحة السنتكم
الساطور16-Jul-2009, 01:29 AM
الله الله
دام البقا واحذر من البنت الشقيه واللعوب=لا بد ما ترمي بكم ياجارنا فالمحرقه
الليل ساري مار اشوفك مانويت انك تتوب=وانته نصيبك راس ضبي مايجيب الك امرقه
رعد الروقي16-Jul-2009, 01:50 AM
الخوف يالساطور علة كامنة وسط القلوب=والزير سالم كل بابً للمعالي يطرقه
عساك تلقى في سفينة نوح يالطيب ركــوب=عشان لا منك لقيت السوم تقدر تفرقه
رعد الروقي16-Jul-2009, 02:28 AM
الله الله الله
بداية طاروق نار وبنزين
وجبت المتابعه
الساطور
عمدة الهيلا
صحت السنتكم وقلوبكم
واصلواااا
هلا ومرحبا يابو لمار
حضورك تشريف ومتابعتك نوماس
صح بدنك ولاهنت
رعد الروقي16-Jul-2009, 02:30 AM
ياسلام عليك يالعمده
مبدع
صحة السنتكم
ارحب ارحب يا معجب العتيبي
منور ومشرف بتواجدك
صح بدنك ولاهنت
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
