ذيب عروا وبس
زبن الجعفري العنزي19-Sep-2009, 02:33 AM
ياذيب عروا لعلك صمت كل رمضان= الا فطور العذر جايز ويحسب عذر
والا انت شاعر كبير ولك وجود وكيان= لكن لاجاك ابن وايل يهل المطر
عقاب العنزي19-Sep-2009, 02:35 AM
ياذيب عروا لعلك صمت كل رمضـان
الا فطور العذر جايز ويحسـب عـذر
ههههه
صح لسانك ولاهنت ياراع الجدعا وصح لسان ذيب مقدما
وانتم طواريقكم دايم ياذابح يامذبوح مثل طواريق العوني والعصيمي هههه
تقديري
زبن الجعفري العنزي19-Sep-2009, 02:41 AM
حياك الله ياعقاب
مرورك يكفي اما شهادتك فهي وسام ونتمنى ان نصل الى ربع ماوصلت اليه
شرفت يالذيب
تحياتي
الحوووووت19-Sep-2009, 03:10 AM
الله الله الله ياراع الجدعا صح لسانك ولسان ديب عروراااا مقدما تقبل تحياتي
زبن الجعفري العنزي19-Sep-2009, 03:21 AM
الحوووووووت
صح بدنك ولاهنت
تحياتي
صاهود19-Sep-2009, 06:59 PM
مافطرت غير ابجنابك ياطويل اللسان=ولا ظنها تنحسب لاجيت وسط القبر
شاعر ولي مع هل الوقفه مقام ومكان=وان جيت يالوايلي لقّمتك من الحجر
صاهود19-Sep-2009, 07:01 PM
عقاب شاعري المفضل صح بدنك حتي ترضا
الحوت اخوي اللي ماجابته امي صح بدنك عدد مطير وسبيع
يوسف عبيد19-Sep-2009, 08:12 PM
رفيع المنزل20-Sep-2009, 12:45 AM
راع الجدعا صح لسانك
ولايهون ذيب عروا
متابعين
زبن الجعفري العنزي20-Sep-2009, 12:47 AM
الدله اللي شذها الهيل والزعفران= تنساق للي لهم بين النشامى قدر
صحيح من قال حنا في توال الزمان = حمرت عينك على اللي عاف منك الوطر
صاهود20-Sep-2009, 01:01 AM
الدله امقنده لمطير واهل احلبان=وسبيع واهل الجبل واللي شمال الحفر
تبا النصيحه تريّح واترك الجبخان=من لاضرا للخطر ماهو بقد الخطر
زبن الجعفري العنزي20-Sep-2009, 03:15 AM
سبحان من علم المطران سحر البيان= لكن يولون في وقت اللزوم الدبر
ترى السواليف جتك ولاتبي ترجمان= عطيتك الدرة الحمراء وباقي درر
صاهود20-Sep-2009, 09:37 AM
صح السانك ياراع الجدعا
والي لقاء اخر انشاء الله
تحياتي
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
