الليله اللي يبا يلعب يقدم خبر... من شان اجهز له الرشاش والمدفعي

السلاام عليكم ورحمة الله وبركاته

مساكم الله بالخير يا ربعي

ودنا نلعب هالقاف مع واحدٍ منكم في بداية

مشاوري معكم في هذا المنتدى بين ابناء عمومتي


خلوهااا /


سلام الله عليكم يا عتيبه=رياجيلٍ تحلل فالصعيبه

خوال المصطفى اللي نقتدي به=ولا شال الحمول الا جملها



************************=************************



الليله اللي يبا يلعب يقدم خبر=من شان اجهز له الرشاش والمدفعي

انا ثبيتي ومن يقدِم في حل الخطر=ما يلحقه لوم ؛ لو عينه قامت تدمعي !

الله لا يهينكم ...

هلا يامرحبا بك يالعتيبى=تفضل خذ علاج من الطبيبى
علاج يبرى الجرح العطيبى=ولا شال الحمول الا جملها
_______________________________

حييت ياشاعر الثبتان قوم الظفر=اكرب حزامك لاشفت النار لاترجعى
انته ثبيتى وانا مقاطى بعيد النظر=فتح عيونك سحاب الصيف ما يرعدى

اخوى الفيصل اعذرنى على الخطئ فى البيت الثانى وخذ
التعديل....

انته ثبيتى وانا مقاطى بعيد النظر=ولا لا تهز المتون الهز ما ينفعى

الله الله يالمقاطي

خلووووووووووها



ما دامك جيت انا واقف هنيّه=ولا تنفعك عزوات وحميّه

بحط تحت .. واهبدك بيديّه= ولا شال الحمول إلا جملها


*********************=**********************

اسري يا مال الشحم .. اسري ودربك خضر=والله يعينك ما دامك جيت تلعب معي

اعرفك شاعر ليا غنّى يفتّ الصخر=مير اسمعي يا مسامع صاحبي .. اسمعي

السموحه يالمقاطي شقلبناها ودوبنا ننتبه ... :rolleyes:


اسري يا مال الشحم .. اسري ودربك خضر=مير اسمعي يا مسامع صاحبي اسمعي

اعرفك شاعر ليـا غنّـى يفـتّ الصخـر=والله يعينك ما دامك جيت تلعب معي


تحياتي

استلم طال عمرك


تسولف يالثبيتى بالشجاعه=ولا تصبر معى لو كان ساعه
ولكن قولها سمعن وطاعه=ولا شال الحمول الا جملها
**********************=***********************
بسرى يافيصل وكيفى فالدلال الصفر=واليا سرينا ترانى قدم وانت تبعى
انا ليا جيت ياشاعر ترانى بحر=لكن ولع لهب نارك وانا ولعى

الله
والله إنا نتمتع مع الطيبين اللي علومهم طيبة

لاهنت ولد عوجان
ومشكور على المرور

سواليفي سواليف المراجل=ولاني خاضعٍ لك وامتنازل

عسى يخذلك حظك وانت خاذل=ولا شال الحمول الا جملها

***************************=********************** *****

امشي عسى مشيكم من فوق هاك الجمر=يحرق رجيلاتك .. وتبكي .. وتتوجعي

يالله دخيلك من اللي طايح ٍ فالكبر=حتى بيوت الشعر : يا دوبها تطلعي !!


الدعوة مزوح

وفلة حجاج يا ولد برقا

الله لا يهينك ،،،،

ما عليك زود يا ولد عوجان

شاكرين متابعتك .. واعذرونا على القصور

علي الملازيم انه اول قاف ألعبه في حياتي ...

ولك عاطر تحياتي