كــلت ســـيوفـــي

السلام عليكم ورحمة الله وبركاته



















على الهون ياللي طول الأيام أراعيك = أراعي ظروفك قبل أراعي ظروفي

خوي َ المعزة بالمعزة يخاويك = يتعب على شانك كثير الصفوفي

أبا أنساك لو قلت إلك ماني بناسيك = مدامك تجاهل طيبتي ومعروفي

و لي رب يغنيني ولك رب يغنيك = ولا بلحق المقفي ملام وحسوفي

مشاعرك من يحظى بها منك وإليك = وأنا أتعبت نفسي بالسهر والوقوفي

لو عيونك الثنتين تنظر حواليك = بكيت الفراق ولو ماكنت توفي

أنا كنت ما أسمع بك وما أسمع بطاريك = وحاربت لأجلك لين كلت سيوفي

لكن الله يسامحك ماني مجازيك = لو أخسر على شانك مئات الألوفي

أبا أرحل ولو تنشدني تقول وش فيك = أقول البلا كل البلا حر جوفي

أنا كيف بشكي لك ويا كيف بشكيك = ويعصف بك الوقت الشديد العصوفي

تحلَم وحلمك في منامك يصحيك = و ما راح جعله فالحياه مخلوفي

وإذا كان قلبك ما سرابك لمغليك = تندم على عمرك وزيد الحسوفي

يا زين أنت متغلي وزايد تماديك =مسوي عمى وأنته عيونك تشوفي

ولو أوصفك وأقول وشهو محليك = عيونك تتعبني بكثر الوصوفي

غرورك ما يرضى لو أجامل وأراضيك =وأنا اللي عليك يزيد فالوقت خوفي

أبا أصبحك بالخير كله وأمسيك = وبكرة تذكرك الليالي حروفي

لو الشوق وردني حياض المهاليك = ماعندي ولا نيه لدرب النكوفي









.











:

الأخ الشاعر

ماجد الهذلي

صح لسانك والله

جميل وعذب هذا البوح

تحياتي

وعليكم السلام..

صح الساانك

ياماجد

لاهنت

الله الله صح لسانك ياماجد

الشاعر

وصل الشهيب

يشرفني حضورك هنا

صح بدنك يالغالي ملايين

أخوووك

عناد الشيباني

صح بدنك

والله يحييك ملايين

حضورك هنا

لاهنت يالغالي

الاخ الشاعر ماجد الهذلي

بيض الله وجهك على هذه القصيده

صح لسااااانك ياماجد

شامخه من شاعر مبدع

تحياتي لك