مرحبا من روس قوم ٍ مراميها بعيد \\ ردة ٍ تقصر عن اللي قصر من دونها
فايز بن سرحان الثبيتي26-May-2011, 02:15 AM
ابو عواض مبطين مامزحنا معك "
طاروق للاسفاده "
مرحبا من روس قوم ٍ مراميها بعيد = ردة ٍ تقصر عن اللي قصر من دونها !!
هكذا الدنيا نزول ٍ ومن بعده شديد = وش تسوي يالشهيب وهذا قانونها !!
عبد الرزاق بن سعود النفيعي26-May-2011, 02:20 AM
صح لسااااااااانك
يابو ريان
وفي انتظار الشهيب
وصح لسانة سلفا
فايز بن سرحان الثبيتي26-May-2011, 02:21 AM
صح بدنك يابوسعوووود
اشوف الجو الليله بااااارد ودنا نسخنه شوي "
فهد الشهيب الثبيتي26-May-2011, 02:29 AM
ارحب يابو ريان
والفايده لي بدون شك
والبقا ياربعنا ياهل السيف الحديد=فاللوازم كلبونا بحسب ظنونها
قبلنا قد راح كسرى وهارون الرشيد=مار تكفي سيرته والعرب يقرونها
فهد الشهيب الثبيتي26-May-2011, 02:30 AM
ارحب ارحب ياعبد الرزاق
صح بدنك وشرفتنا بمرورك الكريم
فهيد الايدا المورقي26-May-2011, 02:40 AM
ابن سرحان
فهد الشهيب
صحت السنتكم جميع
تحيتي
فهد الشهيب الثبيتي26-May-2011, 02:42 AM
ارحب ارحب يابناخي الايداء
صح بدنك وشرفتنا بمرورك الكريم
فايز بن سرحان الثبيتي26-May-2011, 02:46 AM
من طمر فالنار لو تاكله ماهو شهيد = لو تصير النار ليلى وهو مجنونها !!
البلا اني كل مانصحك في غيك تزيد = ومن وراك سباع جاعا تحد سنونها !!
فايز بن سرحان الثبيتي26-May-2011, 02:47 AM
بناخي الايداء
ارحب ارحب صح بدنك " ولاااوصيك الصفوف الليله ماااااش "
فهد الشهيب الثبيتي26-May-2011, 03:00 AM
علـّم اللي يحسب انه بفعله مستفيد=لايقول القوم يمكن تسوق ظعونها
لاتعلمني وانا خابر ابليس المريد=اسطوانته القديمه عرفت لحونها
& محمد خالد القحطاني &26-May-2011, 03:02 AM
صح الله السنتكم جميع شعراء مبدعين
واصلو الابداع وامتعونا
تحياتي
فهد الشهيب الثبيتي26-May-2011, 03:03 AM
ارحب ارحب يامحمد
صح بدنك والابداع في حضورك
شرفتنا بمرورك الكريم
فايز بن سرحان الثبيتي26-May-2011, 03:23 AM
امس تاجر لكن اليوم ماعندك رصيد = والتجر فالسوق قامت تزيد ديونها !!
انت ماتدري عن الموت في حبل الوريد؟؟ = متعب عتيبه وذبحتك مايرضوها !!
فايز بن سرحان الثبيتي26-May-2011, 03:27 AM
محمد بن خالد القحطاني
صح بدنك "
فهد الشهيب الثبيتي26-May-2011, 03:29 AM
طيب طيب
والله انه ماجهل قيمتي غير البليد=والبضايع داخل السوق ماتشرونها
تتبع الموضه وفكرك مع الجيل الجديد=قبلكم ياكم رجال ٍ كحلت عيونها
محمد الذيابـــي26-May-2011, 03:38 AM
صح لسانك يابوريان
وصح لسان فهد
ابداع غير مستغرب
فهد الشهيب الثبيتي26-May-2011, 03:40 AM
ارحب ارحب يامحمد
صح بدنك وشرفتنا بمرورك الكريم
فايز بن سرحان الثبيتي26-May-2011, 03:54 AM
بين فله وسط جده كما برج الوليد = وبين غرفه في مسره وساع ركونها !!
انت فالثنتين هذي مخير وش تريد = واليتيمه لا تذر الكحل في عيونها
فايز بن سرحان الثبيتي26-May-2011, 03:55 AM
ارحب ارحب يالذيابي صح بدنك "
لااااااعدمتك "
فايز بن سرحان الثبيتي26-May-2011, 03:56 AM
ابو عواض الختام عندك لاعدمتك
شاكر لك مجاراتك يابحر "
صح لسانك وتصبح على خير انت والاخوان جميع "
فهد الشهيب الثبيتي26-May-2011, 04:02 AM
عن ديار العز والله لايمكن نحيد=لو ظروف الوقت تهدم جميع حصونها
قبل خمس ايام رديت لك ساع البريد=الامانه في يدي, مستحيل اخونها
فهد الشهيب الثبيتي26-May-2011, 04:04 AM
صح بدنك ولسانك يابو ريان
الشكر لك على دعوتك الكريمه وشرفتني بهالمحراف الطيب
والساري يلقا خير
كل الشكر لمن تابعنا
