آهيب يالشيطان ياطول عمرك = من قبل آدم وانت يا ابليس موجود

آهيب يالشيطان ياطول عمرك = من قبل آدم وانت يا ابليس موجود
كل همّك الإنسان بالله يشرك = تبي الكفر والشر بالعالم يسود
تسعى وتركض وانت عارف ومدرك = إنك بيوم الحشر بالنار موعود
آدم هبط للأرض باسباب غدرك = من حقدك المدفون خاواك مطرود
سمع كلامك يوم دقيت صدرك = صار اللي صار وبات بالزيف موعود
الله يزيدك هم ويزيد حرّك = والله يزيدك ويل وتصير ملهود
خيبه عليك , الكِبْر غرّك وجرّك = لدروب ظلماء دونها الباب مسدود
عش ماشئت يا ابليس والعصر عصرك = مادام حبل العمر مرخى وممدود
تمتع بدنياك واسكن بقصرك = لكن تأكد , كل شيٍ له حدود
ومصيرك المحتوم بالنار تبْرك = تبكي على مافات وأيامك السود
لو تعتذر مايفيدك اليوم عذرك = عمرك قضيته بالمعاصي يامقرود
حفرت يالملعون بيديك قبرك = يامغويٍ فرعون وأصحاب الإخدود
واختامها يارب عفوك وسترك = تبعدني يامعبود عن كل منقود

.

مشكوووور الله يعطيك العافيه

هذا الهجاء والا بلاش :)

وأنا أقرأ القصيدة تذكرت أبي جهل ، الذي يعلم إن انبي صلى الله عليه وسلم على حق ، ولكن بسبب الكِبر والحسد كفر

صح الله لسانك ، ولكن إطلاق كلمة ملعون على إبليس ، ماهي هجاء فيه لأنه يحاول إغوائنا بهذه الألفاظ ، إبليس مايغبنه كثر التعوذ

هذه فهمنى مفرداتها أشوى


صح لسانك يا طيب

تسلم ياراشد

صح بدنك والله لايهينك



\



دُمت بود

هُنا رابط القصيدة في جريدة الجزيرة

http://www.al-jazirah.com/2012/20120615/tr7.htm