سلام نسلم به من البدوان واعيال الحضر

سلام نسلم به من البدوان واعيال الحضر = يقصر عن الكفار والدنيا كفى الله شرها
من علم اللي يخلط الاوراق في وسط القصر= ما عاد فيه اسرار والدنيا كفى الله شرها

وووين الشعار اللي كثر الحصى ههههه

حياك اخوي
وجوب التسليم انا نرحبك والمحاوره في هذا المنتدى ممنوعه الا بالاسم الصريح
رديت على بيتك وحياك سجل بالاسم والشعار اكثار عسى الله يحفظك ويحفظهم


يامرحبا من هاجس الي فالوازم ماقصر=ترحيبة اهل الدار والدنيا كفاالله شرها
ماعندنا الا النيمس الي نوزته مد البصر= نرميبه الكفار والدنيا كفا الله شرها

تبقى ياراعي الترحيب وكان ماودك تكمل الطاروق غيرك بيلعب
والاسم كلها مستعاره حتى لو احط اي اسم
والهدف لعب ووناسه ، وحنا ماجينا من الشارع
الا والله نعرف اللي لنا واللي علينا

مرحبا ملايين ولي الشرف العب معك
لكن المنتدى له شروط وقوانين مانقدر نتعدى عليها
ونا والله اني الان اتحاور مع شعار في موقع اخر لكن حبة اقدم لك واجب الضيافه

واستسمحك عذرا والشباب فيهم الخير والبركه

تسلم ياراشد دام فيها قوانين = ذكرتني بالدورة العسكريه
ابدايته تكتب مع المستجدين = ونهايته وسط الطعوس الخليه
ما يعرف الا الخلف ويسار ويمين = وقدام هذي في علومه رديه
وحنا ما نشرب ياصحيبي من الطين = لا والله الا من عيون نقيه
قانونا في قلوبنا يامصلين = والحق ما يقرن بجنب الخطيه
ولا صارت الدنيا تعارض مع الدين = اتصير عند الناس دنيا دنيه