والبرق يبرق والسحابه تهلي

يا لله ياقابل صلاة المصلي=اطلبك يا الله لاتخيب رجايه
ياوحدن فو ق العباد متعلي=ليادعيت اطلبك تقبل دعايه
واستغفرك يالله قدام ازلي=انت الذي تعلم خطا ي وقدايه
من الخطا ماخطيت لوربع ملي=ولاخبر حدن جايشتكي من خطايه
وبعض العرب لوسبني مدحتلي=وبلعكس مدحه يعتبرمن ردايه
تراه لويسبني شا هدلي =السب من عنده دليل الوفايه
وبعض العرب يا بجاد ثورن مفلي=ماهمني لويعترض في نحايه
راسي رفيع ورفعته عاتلي=انظر قدم ويمين مانظر ورايه
ومن صدعني قلت جعله يولي=لانا شدن عنه ولاني ابجايه
قربه مرض قلبي وبعده ادولي=البعد عنه دواي والقرب دايه
لوشربت الما عند شخصاً مغلي=ماني بجايه لو اموت بضمايه
لوكان يفرشلي على الدرب زلي=تراه عندي مايساوي حذ ايه
رفيقي اللي يوم اجيله يهلي=يفرح ليا جيته ويحما قفايه
وياقف على يمناي فالماقف اللي=شره يعم يالله منه الكفايه
في ماقفه صامل مهوب متخلي=ليا جنب المقرود درب الهدايه
وجر السبب مقرود والشر حلي=غصب[ن] على العاقل ماهو بالهوايه
ووقــــــــف لـه المسطور و الاش ذ لي=ماحصل الا خيبتن فالبدايه
والبرق يبرق والسحابه تهلي=والسيل دم اللي يبين ارتكايه
من دون ربعه مثل حيدن مطلي=من قوفعله يسمعون اعتزايه
والهوش حامي يوم كلا[ًن] يدلي=والله واعلم ويش تال النهايه
،،،،،،،،

مع تحيات
الــشـــــــاعر/جهز الــهـــرس