سلام الله عليكم ياعتيبه جاكم الطوفان
الطوفان03-Mar-2006, 01:02 AM
سلام الله عليكم ياعتيبه جاكم الطوفان
يطم الارض وكبار الجبال الشم يغرقها
انا ربعي ذياب الدار ماتلبس جلود الضان
ولا عندي سريقه من جيوب الناس سارقها
شاعر روق03-Mar-2006, 02:01 AM
هلا يامرحبا ترحيب كنه وابل الامزان=محمل بالصواعق من مزونِ لاح بارقها
وانا ربعي مقابيس الوغى لطامت العدوان=عتيبه صيتها في مغرب الدنيا ومشرقها
المداوي03-Mar-2006, 02:11 AM
الله الله
هلابك الطوفان وبدايه رائعه
كفووو والله يا شاعر روق
ابداع وطاروق جميل
بالتوفيق
الطوفان03-Mar-2006, 02:33 AM
لعلك للبقا والليلة الحبة على النيشان
تجيلك ضربة من سوقة البلجيك مطلقها
انا ربعي من الحرة منازلها الى الصمان
محاربة الدول مامثلها سبحان خالقها
شاعر روق03-Mar-2006, 02:48 AM
انا وانته على وضح النقا في حامي الميدان=ياراعي بند قِ عوجا على المتن متعلقها
محاربة الدول ربعك ماتقوى هجمة العتبان=ولو جات الدول معكم نبا نكسر بيارقها
شاعر روق03-Mar-2006, 02:52 AM
المداوي
ماعليك زود يالغالي
متابعتك تهمنا
تقديري
الايداء103-Mar-2006, 03:08 AM
,
,
صحت السنتكم
يالشعار طاروق يستحق
المتابعه على القوه ,,,
الطوفان03-Mar-2006, 03:17 AM
تقوله يالمغني مير وش وزنتك في الميزان
ولا تحيا القلوب اللي لهيب النار محرقها
تري ياصحابنا مابيننا الا فتحت البيبان
ولاترضى علينا روق لين انا نروقها
جاي من قريب03-Mar-2006, 03:28 AM
سلام عليكم
الطوفان وشاعر روق
محاورة على مستوى
ومتابعين معكم يالذيابه
شاعر روق03-Mar-2006, 03:39 AM
تبا تعرف ليا حمي الوطيس وشبت النيران=وتبدي لي وجيه القوم كاذبها وصادقها
ترى مابيننا الا فرك خشم وميسمِ حميان=نجود به خشوم اللي سوالفها تمذلقها
شاعر روق03-Mar-2006, 03:40 AM
ابو تركي
متابعتك تشريف طال عمرك
تقديري
شاعر روق03-Mar-2006, 03:41 AM
جاي من قريب
ياهلا ومسهلا شرفتنا بمتابعتك
تقديري
الطوفان03-Mar-2006, 03:41 AM
،
، المداوي
،
، الايدا1
،
،
جاي من قريب
مشكوووووووووورين على مروركم
الايداء103-Mar-2006, 03:46 AM
تبا تعرف ليا حمي الوطيس وشبت النيران=وتبدي لي وجيه القوم كاذبها وصادقها
ترى مابيننا الا فرك خشم وميسمِ حميان=نجود به خشوم اللي سوالفها تمذلقها
,
,
والله ومليون نعم ياشاعر روق
وتراي في صفك على طول
والميدان بأوله يالطوفان وسوف تكون محاوره قيمه ,,,
تركي الحربي03-Mar-2006, 03:47 AM
الشعار
الطوفان
شاعر روق
مبدعين ياشعار
وطاروق حامي يستحق المتابعه
واصلوا
متابع وبكل اعجاب
شاعر روق03-Mar-2006, 03:54 AM
ماعليك زود يابو تركي
ووجودك في صفي مكسب ونوماس
تقديري واحترامي
شاعر روق03-Mar-2006, 03:55 AM
تركي الحربي
ياهلا وغلا وحياك ربي
متابعتك تشريف لاعدمناك
احترامي
الطوفان03-Mar-2006, 04:05 AM
انا ربعي هل الطاله ليا ثارو كما البركان
لكنك ماتعرف النـاس ماتعرف حقايقـها
ياليتك تذكرالماضي وذاك الكاين اللي كان
ولا تنــفخ علي الذرب وعيونك تبحلقــها
شاعر روق03-Mar-2006, 04:22 AM
وانا ربعي مطوعت الخصيم وتخزي الشيطان=كسبنا المجد بفعولِ لنا التاريخ وثّقها
ذكرت الماضي اللي راح غصب انطلق النسوان=نجي للرجل بالقوة ونسوانه نطلّقها
الطوفان03-Mar-2006, 04:38 AM
ترى حنا الخصيم نقيد ايدينه على الكرعان
ويشـنق بالحبال اللي تعلق في مشــانقها
ولاننظر لراعية الغنم والعبد والهزلان
ولايســلم زعيم القوم لحيانه نفرقــها
شاعر روق03-Mar-2006, 04:54 AM
هذا هرج السعه والاّ ليا جا للوغا دخان=تولّ الزحف ياطوفان والجافل تسابقها
تقوله وانت مابان الك فعل ولا حصل لك شان=نطلق حرمتك وانته تلوى في بخانقها
الطوفان03-Mar-2006, 05:18 AM
ليــا قلنا فعلنــا عندنـا الحجه مع البرهان
واشوف اقزام خلق الله تشره في عمالقها
الامقشر بيوت الزنك ماتثبت على سيسان
اليا هبت عليها العاصفه طارت صنادقــها
شاعر روق03-Mar-2006, 05:32 AM
حججكم باطله ياصحابنا من غابر الازمان=تزورها لكن من كبرها ماانته بناطقها
ترى الجابه بجابه وانت جا في جابتك نقصان=كفينا قربتك وازريت بيدينك تحوّقها
الطوفان03-Mar-2006, 05:49 AM
حججنا ثابته سيسانها أثبت من جبل ورقان
لكنــك لا تـهل بعبرة في الصــدر خانقـــها
قضينا منكم اللازم ونصفقها على العجمان
ندور غيركم عربـان نطبـخها ونســــلقها
شاعر روق03-Mar-2006, 06:02 AM
ورى ماابديتها للناس لين تبين للاعيان=تدس الراس واللحيه عن العربان تدرقها
ياطوفان انشد اوبيّك وقله وان جدي وان=تراها امسى ضحيه للنشاما من بنادقها
الطوفان03-Mar-2006, 06:39 AM
فعايلنا لها تاريخ بالصفحه وبالعنوان
توثــقها رجال ثــقات ورجال تدققــها
وانا جدي تعشا القوم لاواحد ولا أثنان
وذلحينه تعيش أبخير واحلامك تحققها
مرزوق حمدان العتيبي03-Mar-2006, 09:43 AM
..
الطوفان وشاعر روق
لاهنتم على هالمحاوره الرائعه .
..
اكرر شكري واعتزازي فيك ياشاعر روق ..|194|
ذياب03-Mar-2006, 12:49 PM
هلا يامرحبا ترحيب كنه وابل الامزان=محمل بالصواعق من مزونِ لاح بارقها
وانا ربعي مقابيس الوغى لطامت العدوان=عتيبه صيتها في مغرب الدنيا ومشرقها
شاعر روق|189|
سجل أعجابي فيك
وأعتبرني فالصف على طول
لو تجلس الملعبه ثلاثه أيام
|165| |165| |165| |165| |165| |165|
شاعر روق03-Mar-2006, 06:17 PM
تكررجابتك عشرين مره والصحيح ايبان=مرتكم من فقايدها ملابسها تشققها
اعيش بخير انا وانته وصرنا فالزمان اخوان=بعد ماكنت من خوفك لي الهامه تدنقها
شاعر روق03-Mar-2006, 06:18 PM
مرزوق العتيبي
اهلا وسهلا حياك الله يابو محمد
وانا اعتز كذلك بوجودك لاعدمتك
تقديري
شاعر روق03-Mar-2006, 06:19 PM
ذياب
مرحبا حياك الله
والصف عامر بوجودك لاعدمناك
احترامي
الطوفان03-Mar-2006, 06:49 PM
زمــان فـات ذوقنــا العدو الذل والحقـران
بضربات الحسام اللي صليب الروس تفلقها
تعين في الزرايب وانظر الحره وشوف هدان
وخلك من علوم تضـــحك العالم وتشــفقها
الطوفان03-Mar-2006, 07:03 PM
الليل ياشاعر روق ليلك ليل
شاعر روق03-Mar-2006, 07:10 PM
زمانِ فات مالك فالزمن هيبه ولا سلطان=تحت شامان راسك والسوالف ماتبرقها
لقينا جدك مزرب بها وتحوفه الذبان=وابوك اللي ذخرك الحره السوداء تسلقها
شاعر روق03-Mar-2006, 07:12 PM
الليل يالطوفان سرها لايردك غار نجمة الصبح
مرزوق حمدان العتيبي03-Mar-2006, 07:21 PM
زمانِ فات مالك فالزمن هيبه ولا سلطان=تحت شامان راسك والسوالف ماتبرقها
لقينا جدك مزرب بها وتحوفه الذبان=وابوك اللي ذخرك الحره السوداء تسلقها
|165| |165| |165| |165| |165| |165| |165| |165|
لله درك يامبدع .. :)
المورقي11103-Mar-2006, 07:35 PM
تســلم ياشـاعر روق لاترحمه عليك فيه وانا في صفك
|165| |165| |165| |165| |165| |165| |165| |165| |165|
سيــف المعانـي03-Mar-2006, 07:50 PM
الله الله
مبدعععععععععععععععععععين شاعر رووووووق لاهنت يالقرم ولاهان الجميع
في صف شاعر روووووووووق
|165| |165| |165| |165| |165|
.
|191|
.
|165| |165| |165| |165|
شاعر روق03-Mar-2006, 08:10 PM
مرزوق العتيبي
نورت الصفحه بوجودك مرة اخرى
تقديري واحترامي
شاعر روق03-Mar-2006, 08:13 PM
المورقي111
لايهمك وابشر بعزك
والصف جوده لايطيح
وخلك محتزم
شاعر روق03-Mar-2006, 08:15 PM
سيف المعاني
وجودك مكسب
والصف عامر بك وبالطيبين شرواك
الطوفان03-Mar-2006, 08:32 PM
انـا في دولتين اقصى حدودي مع حدود ايران
وبعض الناس محمية عفيف اقصـى مناطقها
انا مبغاك يوصــلك الزعل للزور والبهتــان
وانا من عزوة(ن) بلحيل هاويها وعاشقها
شاعر روق03-Mar-2006, 08:45 PM
تقوله وانت في محميةِ تمرح بها الغزلان=ومحمية عفيف ابها نمورِ ماانت طايقها
انا مانيب من هرجتك لاراضي ولا زعلان= وانا جبت الحقيقه وانته خدودك تصافقها
بعيـد الهقاوي03-Mar-2006, 09:04 PM
تقوله وانت في محميةِ تمرح بها الغزلان=ومحمية عفيف ابها نمورِ ماانت طايقها
انا مانيب من هرجتك لاراضي ولا زعلان= وانا جبت الحقيقه وانته خدودك تصافقها
مبدع ياشاعر روق |194|
وكذالك الطوفان
وفي صفك ياشاعر روق
واااااااااااااااااااااااااااصلو
الطوفان03-Mar-2006, 09:18 PM
بعون الله حمناها وضرب الملح والخفان
تدور أبها بامان ولاتلاقي شــــر عايقها
تبي ترضى بقول الحق ماني للرضا عجلان
لعلك لارضــيت انقول لك ياصــــاحبي ذقها
شاعر روق03-Mar-2006, 09:37 PM
حماك الله باخو نوره وقمت تردد الالحان=وذا الحينه تسير والدير رجلاك تطرقها
كلام الحق يرضيني ويرضي كل عقل انسان=ولن ماخذتها من لب عقلك قلت لك سقها
شاعر روق03-Mar-2006, 09:41 PM
بعيد الهقاوي
وجود في صفي نوماس وتشريف
تقديري واحترامي
ذيب الحرة03-Mar-2006, 09:53 PM
الله الله الله الله الله الله الله الله الله الله الله الله
الله الله الله الله الله الله الله الله
الله الله الله الله
مبدعين والابداع منك ياشاعر روق
طاروق ومعنى وفتل ونقض
لله درك ياشاعر روق
وسجلني في صفك وجمهورك
|165| |165| |165| |165| |165| |165| |165|
|191|
ماجد الهذلي03-Mar-2006, 10:42 PM
محاوره رائعه بين الشاعرين
أنا في صف الطوفان
أشوف الجميع في صف شاعر روق
تحياااتي للجميع
الطوفان03-Mar-2006, 10:44 PM
أخو نوره حماك أنته وقمت ترفع الجنحان
وذا من كبر حضك قدم لاضلوعك نطبقها
تجيـنا بالهزيله يوم نعطيك العلوم سمـان
ولاتمشي علي ابضاعة(ن) تبغى تسوقها
شاعر روق03-Mar-2006, 11:10 PM
تذرى في ذرى عزه وصرت الرابح الكسبان=ونفسك من كبر حظك من العتبان يعتقها
اجيب الك الحقيقه وانت قمت تقول لي غلطان=لكن افلح قبل من فوق راس لانطربقها
شاعر روق03-Mar-2006, 11:15 PM
ذيب الحره
شهادتك من تواضعك الله لايهينك
ووجودك في محل تقديري وفخري
احترامي
شاعر روق03-Mar-2006, 11:17 PM
الهذلي ماجد
وجودك هو المطلوب
سواء كنت في صفي او صف الطوفان
تقديري
الطوفان03-Mar-2006, 11:26 PM
ترانا أهل الشيم في طبعنا والفضل والاحسان
رقاب نقصــــها في المعركه ورقاب نطلقــها
نحد حدودنــا مانقبـل الغدره على الجيران
ولن جتنا غازاوي مثل حلق الموس نحلقها
الطوفان03-Mar-2006, 11:30 PM
الاخ :ماجد الهذلي وقوفك معنا شرف لنا
بعيد الهقاوي شكرا على مرورك
ذيب الحره شكرا على مرورك
شاعر روق03-Mar-2006, 11:42 PM
وحنا اهل الوفا لطامت العايل من المطران=عتيبه في نهار الحرب ماترتد سابقها
وانا ماقول لك وقت اللقا ياصاحبي جابان=فلكنك مواصيلي ترا مانته بلاحقها
مقعد الدغيلبي04-Mar-2006, 06:17 PM
الله
الله
الله
الطوفان
وشاعر روق
طاروق حامي وملتهب
هلا هلا هلا هلا
في صفك ياشاعر روق
لعنبوها لحيةٍ ماتحتمي ماقف شنبها
ولاهان أخوي الطوفان
الايداء105-Mar-2006, 03:25 PM
,
,
الله
الله
على هالأبداع
من الشعار المبدعين
لازال الأبداع متواصل من الشعار
متابعين بكل أحاسيسنا ونحيي بكم الأخلاق
الساميه ,,
شاعر روق08-Mar-2006, 05:15 PM
مقعد الدغيلبي
وقفت في صفي تعني لي الشي الكثير
وتنومس لاعدمتك ياغالي
تقديري
شاعر روق08-Mar-2006, 05:18 PM
الايداء
مرورك في غاية الاهميه
وودي وتقديري
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
