خالد المقاطي تعال ..............
علي فلاح العضياني16-Apr-2008, 09:48 PM
سلامي بردّيه مثل مطلع النور= على الحاضرين و نظرتي للمقاطي
لو انّك تعذّر ما انت فالعلم معذور=لحيث انّ مالك مع سبيع إرتباطي
خالد المقاطي16-Apr-2008, 10:11 PM
هلا مرحبا ترحيب ماهو بمحصور = يعم اللذي بالعرف دايم محاطي
هل الشور تاخذ منك يا ناقل الشور = لحيث انك انته بحر منته بشاطي :)
مرجح الميزان16-Apr-2008, 10:28 PM
الله الله الله
يابو فلاح
صح لسانك وصح لسانك ياخالد
وبالتأكيد
متابع للفائده
..
خالد المقاطي16-Apr-2008, 10:35 PM
يامرحبا يامرحج الميزان :)
متابعك شرف
ارق تحيه
..
علي فلاح العضياني16-Apr-2008, 10:35 PM
بعد ما وصلك الدور ...لو تتقن الدور=نرشّحك أساسي بعد كنت إحتياطي
عطوك النصايح ... و انته تلف و تدور=ترى الصقر ما يمرح بعشّ الغطاطي
علي فلاح العضياني16-Apr-2008, 10:36 PM
مرجح الميزان
اشكرك على مرورك الكريم
المعتصم بالله16-Apr-2008, 10:37 PM
الله الله
يالداهيه علي الفالح صح لسااااااانك
خالد ياخوي لا يسري الفالح الا مكسر كراعينه
الفالح اسمح لي الليله ضدك مع خالد
خالد المقاطي16-Apr-2008, 10:48 PM
نحمد الولي والسيف بالعز مشهور = ونتركلك اللي حدرت للحماطي ؟
ترى النصحه اليا جات من غير دستور = تروح مثل ماقيل روحت مقاطي
خالد المقاطي16-Apr-2008, 10:50 PM
المعتصم بالله
ياحبي إلك حباه .. مار الله يعين على عملاقنا ودنا ناخذه على حين غدرة لاكن مايعطيك :)
لاهنت على المرور الطيب
ارق تحيه
..
علي فلاح العضياني16-Apr-2008, 10:55 PM
ترى ما انته بمطلق و لا انته بمستور=و لا انته يا خالد مثل .. حتّى السواطي
على ويش يا اخوي متغطرس و مغرور=لانّك كذا مبسوط فوق البساطي ؟؟
عبدالله حبيٌب الزراقي16-Apr-2008, 10:56 PM
الله الله الله ابدااع
متابعين ومستمتعين ومستفيدين
صح لسااانك على العضيااني
صح لساانك خالد المقاطي
متابع ,,
علي فلاح العضياني16-Apr-2008, 10:57 PM
المعتصم بالله
هيّن تسويها كذا ترى مهاب احسن لك تترك صفّي
بس اورّيكم يالمجرمين ههههههههه
تحياتي لك
علي فلاح العضياني16-Apr-2008, 10:57 PM
عبدالله حبيب الزراقي
صح بدنك و مشكور على مرورك يالغالي
خالد المقاطي16-Apr-2008, 11:23 PM
صح اللسانك يالعملاق .. وسعت بهذا الدعوى من شاعر عملاق
والسموحه على التأخير والله عندي رياجيل مثلك وشرواك
لنا لقاء قريب .. جدآ
:)
ماتدري عن الايام من خلفها سور = وشجرت(س) يالزيتون غير الطماطي
على طبعك تشوف الاوادم لها زور = ترها متقبل هرجتً بنحطاطي ؟
عبدالله الحربي16-Apr-2008, 11:54 PM
صح لسانك يا ابو فلاح
صح لسانك يا خالد المقاطي
مبدعين وحنا دايم متابعين
سعود العصيمي17-Apr-2008, 02:12 PM
بعد ما وصلك الدور ...لو تتقن الـدور
نرشّحك أساسي بعـد كنـت إحتياطـي
عطوك النصايح ... و انته تلف و تدور
ترى الصقر ما يمرح بعـشّ الغطاطـي
علي العضياني
محد يسلم من شرك
هههههه
صح لسااااانك
واعتلا شأنك
نحمد الولي والسيف بالعـز مشهـور
ونتركلـك اللـي حـدرت للحماطـي ؟
ترى النصحه اليا جات من غير دستور
تروح مثـل ماقيـل روحـت مقاطـي
نحمد الولي والسيف بالعـز مشهـور
ونتركلـك اللـي حـدرت للحماطـي ؟
خالد المقاطي
رد وافي من شاعر وافي
صح لسانك يالبناخي
واكرب علي لايفرفص
تقبلووووووا تحياتي وتقديري
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
